तुमची ईच्छा - तुमची मुलगी

Submitted by Saee_Sathe on 26 April, 2011 - 03:04

(आई-बाबा यांपैकी बाबांना आपण खुप घाबरतो. हो ना ? मला माहितीये. तुमचं उत्तर नक्की "हो" च असेल ! कारण बाबा खुप स्ट्रिक्ट असतात. तर या ठिकाणी मी बाबा आणि मुलगी यांच्यातले संभाषण दाखवले आहे !)

काय हो बाबा ?
सारखे अभ्यास करायला लावता
कंटाळून जाते मी
तरीही रागावता

सकाळी सकाळी रोज
ऑफीसला का जाता ?
घरी आल्यावर नुसते
टि.व्ही. च का पहाता ?

प्रगती-पुस्तक मिळाले
की कधी पापे घेत नाही
पापे राहीले लांबचे
साधी मिठीही मारत नाही

रोज रात्री झोपताना
गमती-जमती सांगत नाही
मी सांगते तर
मला सांगु ही देत नाही

का हो बाबा आता
नावडती झाले का मी ?
पहीले होते लहान
आता मोठी झाले का मी ?

सतत एक काळजी
मनात माझ्या आढळते
विसरून जाल का मला ?
भीती अशी वाटते

मोठी होतेय मी
असे रोजच मला जाणवते
स्वप्न आहे हे अशी
मनाची समजूत मी घालते

- मृण्मयी शैलेंद्र साठे

गुलमोहर: 
कविता
शेअर करा

Thanks to all !
I am still slow in Marathi typing ! Will take 2-3 days to respond in Marathi !
Tya post kelelya kavita pan Baba ne type karun dilya hotya ! Pan mi ata practice karate ahe !

Submitted by Saee_Sathe on 27 April, 2011 - 09:50

सई तुझे माबोवर स्वागत Happy

आवडली कविता... तुझ्या लिखाणातला हुरुप वाखाणण्याजोगा आहे.

पुढच्या लिखाणाला शुभेच्छा!

Submitted by चातक on 27 April, 2011 - 11:13

एका ओळखीच्या सद्-गृहस्थांनी सईला विचारलं की तुला बाबांवर लिहीणं कसं जमलं ? तर तिने उत्तर दिलं की "आधी मी एक कविता (ईंग्लीश मधे) दगडावर करुन बघीतली. मग मला बाबा वर लिहीणं सोपं गेलं" Proud

आधीचा अनुभव उपयोगी पडला म्हणाली Proud

Submitted by टवाळ - एकमेव on 29 April, 2011 - 01:07

छान आहे...............
आवडली............................

Submitted by कवित on 29 April, 2011 - 03:59

सई , खूप छान . मला तर माझी छोटीच आठवली खूप वाट पाहत असते . कारण तीला दिवस् भरात काय काय झाले ते सर्व सांगायचे असते.

Submitted by नानाजी on 29 April, 2011 - 04:45