भारी पडली जात
पोळून गेले तरी कधीच मी, आखडले ना हात
तुझे जिंकणे असे भावले, की खात राहिलो मात
बोलत होती ती अशी की, मी गुंतून गेलो पार
जरा न कळले केव्हा कशी ती, उलटून गेली रात
वाटेवरती काटे बोचरे, पसरून होते दाट
आता पोचलो कसाबसा मी, कित्येक खस्ता खात
एकच गुन्हा समान झाला, परी सजा वेगळी त्यात
आतंकवादी मजेत बाहेर, साध्वी सडते आत
सूर बोबडे ऐकून माझे, मुरडून घेती नाक
नसेल जर का आवड माझी, मी बसू कशाला गात?
नारळ फुटला, प्रसाद वाटू, बोलून गेलेत काल
वाट पाहतोय इथे अजूनी, घासून बसलो दात
गुणवत्तेचा गळा दाबुनी, हा निकाल आला आज
कर्तृत्वाचा बोर्या वाजला, नि भारी पडली जात
भिती मनातील आता तरी तू, पुरुनी दे वा जाळ
अभय जगावे,कसे जगावे, तू घ्यावे करुनी ज्ञात
.
. गंगाधर मुटे
.........................................................
ही मात्रावृत्तातील गझल असून
ही मात्रावृत्तातील गझल असून या गझलेतील सर्व
ओळी मला लयीत उच्चारता येतात.
सर्वच छान आहेत मुटेजी (पुन्हा
सर्वच छान आहेत मुटेजी (पुन्हा एखादे कडवे पेस्ट करायची गरज नाही)
खूप आवडली!!
खूप आवडली!!
अफाट गंगाधरराव ... जियो !!!!
अफाट गंगाधरराव ... जियो !!!!
प्रतिसादाबद्दल धन्यवाद.
प्रतिसादाबद्दल धन्यवाद.
ही मात्रावृत्तातील गझल असून
ही मात्रावृत्तातील गझल असून या गझलेतील सर्व
ओळी मला लयीत उच्चारता येतात >>>> याबद्दल विषेश अभिनंदन!!!
गण वृत्त मला एवढे काही माहित
गण वृत्त मला एवढे काही माहित नाहीत पण मीही लयीतच म्हणून बघितले
खूप छान आहे.