रावण आणि मी

रामायणातल्या रामापेक्षा, लंका माझी खास
रावणाला त्या भेटायची, लागली मला आस

एकदा मला रावणाकडुन, आले इन्विटेशन
भेटण्या त्याला वेळ होता, ठरले दुपारचे सेशन

रावणाकडे आले होते, खुप खुप पाहुणे
काय, कसं, कुठे, केव्हा दहा तोंडांनी तो म्हणे

चालतो जेव्हा रावण, तेव्हा काय सांगु दणका?
थरथर थरथर कापत होती, एवढी मोठी लंका

बघुन मधे कुंभकर्णा रावणा लागली डुलकी
भावाच्या त्या पोटाची केली त्याने उशी

रावण जेव्हा बोलतो तेव्हा चॅनल लागतात दहा
नेहमी कार्टुन बघायच, पण आता काय पहा??

चिंटुच्या त्या जोकवर, रावण हसला जोरात
बाहेर येवुन बघतो, पण गडगड नव्हती ढगात

काढता चिमटा मुंगीताईने, रावण खुप रडला
आई नको भरु पाणी, भरल्या सार्‍या बादल्या

प्रगती माझी सांगता, रावणाने दिली शाबासकी
सहा महिन्यानंतर तरी, थांबणार का पाठदुखी?

रावण जेवढा मोठा, तेवढी विशाल त्याची काया
तेवढच दिल बक्षिस त्याने आणि भरपुर माया

जाता जाता सांगतो आता कान देवुन ऐका
रामाशपथ मी मारल्या थापा, मी मारल्या थापा