वेगळी वाट

आनंदाची वाट
भाग ३

भाग १ http://www.maayboli.com/node/24514#new
भाग २ http://www.maayboli.com/node/24533
आम्ही सप्टेंबर मध्ये नाशिकला आलो.आल्याबरोबर पहिल्या प्रथम नॅशनल असोसिएशन ऑफ ब्लाईंडशी संपर्क साधला.त्या शाळेत गेलो.त्यांना वरचेवर भेट दिली व परिचय वाढवला .त्यांना मराठी पुस्तके हवी होती. हिची मातृभाषा कानडी -त्यामुळे शुध्द्लेखनाचा व व्याकरणाचा मोठा प्रश्न होता.मराठीचा अभ्यास करून व गरज पडेल तिथे माझी मदत घेऊन तो अडसरही दूर केला.इथेही पुस्तके देण्यास सुरुवात झाली.फरिदाबाद चालूच होते/आहे.त्या मुलांबद्दलची आस्था एक आकांत,पॅशन झाली होती.

आनंदाची वाट
भाग १ http://www.maayboli.com/node/24514#new
भाग२

अनेक वर्षांपूर्वीचा एक रिकामा आळसावलेला रविवार हातातून निसटत जाणारी चपळ दुपार.अस्मादिकांच्या मनात आलं की अनेक दिवसांपासून साठत गेलेली अडगळ काढून आपल्या सामानाचा कप्पा व्यवस्थित करावा,तेवढेच हिला बरे वाटेल.याव्यतिरिक्त आणखी ही संदिग्धतेत लपेटलेले एक कारण होते.माझ्या कपड्यांच्या कप्प्यात हुरूपाने विकत घेतलेली व तितक्याच हुरूपाने विसरलेली कांही पुस्तके सापडतात का हेही शोधायचे होते.या मोहिमेपोटी खण उघडला अन खरच तिथे पुस्तकांसारखा दिसणारा एक गठ्ठा तिथे आढळला.तो उचलला अन नजिकच्या पलंगावर ठेवला.परंतु त्यात नवीन अथवा वाट पहाणारी कुठलीही पुस्तके नव्हती.