सुखराशी

जय जय जयकारे नाम येता मुखासी
अविरत सुखवृष्टी अंतरी हो तयासी

सदयह्रदय माझी माऊली ज्ञानदेवी
कवळ तरी सुखाचे बाळका नित्य फावी

मुखि जरि नित ओवी येत की ज्ञानदेवी
अगणित सुखराशी लाभते भाविकासी

पठण मनन भावे त्यावरी ध्यास घेई
जननि अतिव प्रेमे मोक्ष भक्तीस देई

अपरमित गुणासी वर्णिता वर्णवेना
जननि तव कृपेला मोजिता मोजवेना

चरणि तरि असावे बालका दान देई
गुणगुणत स्वभावे अंतरी एक ओवी

श्री ज्ञानेश्वरमहाराजांचरणी प्रेमपूर्वक दंडवत.

कवळ..... घास, ग्रास

फावणे.... प्राप्त होणे