लागणारा वेळ:
२० मिनिटे
लागणारे जिन्नस:
३ मध्यम आकाराचे बटाटे
२ छोटे चमचे तेल
लाल तिखट
२ छोटे चमचे जिरे
चवीपुरते मिठ
क्रमवार पाककृती:
१. बटाटे स्वच्छ धूवून घेऊन 'साले न काढता' त्याच्या मध्यम आकाराच्या फोडी कराव्यात.
२. जाड बूडाच्या भांड्यात तेल आणि जिर्याची फोडणी करावी.
३. आता त्यात बटाटे आणि चवीपुरते मिठ टाकून मोठ्या आचेवर बटाटे शिजू द्यावेत. झाकण ठेवू नये. अशाप्रकारे बटाटे शिजायला साधारण १० मिनीटे लागतील. बटाते सतत हलवत रहावे लागतात.
४. आता बटाट्यांवर लाल तिखट भुरभुरावे आणि पुन्हा निट हलवून घेऊन मंद आचेवर पूर्णपणे शिजू द्यावे. मंद आचेमुळे शिजलेले बटाटे क्रिस्पी होतात.
५. लिंबू पिळून गरम गरमच खायला घ्यावे!
वाढणी/प्रमाण:
१-२
अधिक टिपा:
उपवासाशिवाय बनवायचे असेल तर जिर्याऐवजी मोहरीची फोडणी एकदम मस्त लागते. तसेच चाट मसाला भुरभुरला तर अजून मस्त!
माहितीचा स्रोत:
उसगावातील एक पंजाबी मित्र.
