अन्या - ५

नशीब पालटणे म्हणजे काय ह्याची प्रचीती अन्याला आली. काल ह्या वेळेला आपण काय होतो आणि आत्ता काय आहोत हेच त्याला कळत नव्हते. पण बारा वर्षात बारा गावचे पाणी प्यायल्यासारखा त्याचा लहानसा पण अनुभवी मेंदू त्याला अजुनही रेड सिग्नल दाखवत होता. आत्ताच्या क्षणी जे काही घडत आहे ते क्षणभंगुर आहे आणि लवकरच आपले सत्य स्वरूप तालुक्याला कळणार आहे ही भीती त्याला खात होती. पब्लिक इतके यडचाप असेल ह्यावर त्याचा विश्वास बसत नव्हता.