सकाळचे ८.५५ वाजता मी गंधर्व होटलला पोहचलो, बाहेर बाईक पार्क करुन हेल्मेट उतरवत आत एक नजर फिरविली तर डाव्या बाजुला एक बराच मोठ गृप बसलेला दिसला, मला बाहेरुनच अंदाज आला की हाच असावा तो माबो गृप. होटलचे पाय-या चढताना मनात विचार आला की आपल्याकडे मयुरेशचा नंबर तर आहेच, तर चला एक फोन करुया. आता मी पाय-या चढुन काऊंटर जवळ पोहचलो होतो, मोबाईल काढुन नंबर लावणार तेवढ्यात गृप मधुन आवाज आला, मधुकर...... मधुकर ना? सापडलं रेssss बाबा एकदाचं (हे मनात बरं ) म्हणून दात दाखवत पुढे सरसावलो.