शेती

पिक

पावसाळ्याचं अमिश दाखवुन
पावसानं दडी मारलेली आहे
पावसाळ्यातच पावसाची चिंता
मना-मनात वाढलेली आहे

विश्वास ठेऊन निसर्गावर
कर्जाचं दु:ख भोगलं आहे
पण पाण्याविना शेतामधी
पिक करपु लागलं आहे

विशाल मस्के
सौताडा, पाटोदा, बीड.
मो.९७३०५७३७८३

हे लक्षात असु द्या,...

कुणी सत्य म्हणत असतात
कुणी असत्य म्हणत असतात
आपली छाप टिकवण्यासाठी
दोन्ही वारे झुण-झुणत असतात

मात्र आरोप-प्रत्यारोप करताना
औकातीत औकात असाव्यात
अन् अवमानाच्या हद्दी सुध्दा
नैतिकतेच्याच आत असाव्यात

विशाल मस्के
सौताडा, पाटोदा, बीड.
मो.९७३०५७३७८३

पावसा,...

मना-मनात वाढणारी
प्रतिक्षेची उंचाई आहे
जिकडे-तिकडे आता
पावसाची टंचाई आहे

आकाशयात्री ढग सुध्दा
ना अपेक्षीत बरसले आहेत
अन् शेता-शेतातील अंकुर
पाण्यासाठी तरसले आहेत

विशाल मस्के
सौताडा, पाटोदा, बीड.
मो.९७३०५७३७८३

~!!! वावराकडं चाल !!!~

फाटक्या-तुटक्या संसाराची,तुच गड्या ढाल
वावराकडं चाल आता,वावराकडं चाल,...
हर्ष दाटला मनात-थेंब पडल्यातं रानात
काल भरलीया टिफणं-आज पेरूया रं रानं
पेरणीसाठी आज गड्या,होऊया बेताल
वावराकडं चाल आता,वावराकडं चाल,...
आज वावरातं कसंन-बीज आणंल उसणं
तुझ्या शेणाचं रे खात-देई मला साथं
आरं पिकु लागेल तुझ्यामुळं-शेतामधी रं माल
वावराकडं चाल आता,वावराकडं चाल,...
पेंडी-पेंडीचा हिसाब-आज दाण्यात भरला
अन् सुखा हा घास-आज वावरातं पेरला
लेकरा-बाळांचे रं माझ्या,नको करू हाल
वावराकडं चाल आता,वावराकडं चाल,...
कर्ज डोई घेऊनिया-बिंधास्त होऊनिया
आज पेरीतो हे रानं-तुझं गाऊनिया गाणं

सध्या वेगवेगळ्या शहरात होणार्या 'मराठा क्रांती मोर्चा'च्या निमित्ताने थोडे म्युजींग...

आरक्षणाबद्दल लाऊड थिंकींग:

1. राजकीय आरक्षणामुळे मुठभर लोक अफेक्ट होतात. त्यामुळे त्याला सर्वसामान्यांचा फारसा विरोध असेल असे वाटत नाही.

2. सरकारी नोकर्यांमधील आरक्षणालादेखील फार विरोध असायचे कारण नाही. कारण एकूण नोकर्यांपैकी हार्डली २ ते ३ % नोकर्या सरकारी असतील. त्यामुळे अफेक्ट होणारे लोक कमी आहेत. आणि त्यातही आपल्यावर अन्याय होतोय किंवा गुणवत्तेनुसार बढती मिळत नाही वगैरे भावना झालीच तर बाहेर इतके व्हास्ट खाजगी क्षेत्र उपलब्ध आहे त्यात ते जाऊ शकतात.

नागपुरी तडका : सरकार म्हंजे काय असते?

गरिबावरती गरजते, धनिकावरी बरसते
एक सांगा भाऊसाहेब
सरकार म्हंजे यापेक्षा वेगळं काय असते?

हिरवं गेलं, निळसर गेलं, भगवं आलं
अस्काऱ्याच्या म्हशीले टोणगं झालं
टोणग्याच्या पाठीवर मलमली झूल
म्हशीच्या वेणीले धोतऱ्याचं फूल
साल बदललं तरीबी हाल बदलत नसते?

सातव्या आयोगाचा तिजोरीवर डल्ला
सामूहिक लग्नाचा शेतकऱ्याले सल्ला
अकलेचे कांदे बदबद पिकले
नाकाचे नकटे प्रवचन शिकले
समज ना उमज पण खुर्चीत धसते?

शिक्षणाच्या बाजारात,...

कुणी चुकून शिकले आहेत
कुणी शिकून चुकले आहेत
बोगजबाजीच्या बाजारात
कुणी शिक्षणच विकले आहेत

शिक्षणाच्या बाबतीत तरी
अशी कुठेच ना खाच पाहिजे
विकणारांना तर नाहीच नाही
पण घेणारांना तरी लाज पाहिजे

विशाल मस्के
सौताडा, पाटोदा, बीड.
मो.९७३०५७३७८३

भानगड खर्चाची

ऐपत जर असेल तर
खर्च कुठेही करता येतो
विनाकारण खर्चाचाही
कधी भुर्दंड भरता येतो

मात्र ऐपत जर नसेल तर
गरजांनाही शमवावं लागतं
अन् काहीतरी गमवण्यासाठी
काहीतरी कमवावं लागतं,...!

विशाल मस्के
सौताडा, पाटोदा, बीड.
मो.९७३०५७३७८३

भानगड खर्चाची

ऐपत जर असेल तर
खर्च कुठेही करता येतो
विनाकारण खर्चाचाही
कधी भुर्दंड भरता येतो

मात्र ऐपत जर नसेल तर
गरजांनाही शमवावं लागतं
अन् काहीतरी गमवण्यासाठी
काहीतरी कमवावं लागतं,...!

विशाल मस्के
सौताडा, पाटोदा, बीड.
मो.९७३०५७३७८३

हे सत्य आहे

ज्यांनी पराक्रम केले
ते मागे राहिले जातात
अन् पराक्रम शुन्यांचेही
कधी वारे वाहिले जातात

पात्रतेच्या नियमांनाही
कुठे तडा दिला जातो
अन् कधी निकृष्ठांचाही
इथे गौरव केला जातो

विशाल मस्के
सौताडा, पाटोदा, बीड.
मो.९७३०५७३७८३