युक्ती सुचवा/ युक्ती सांगा

मी आईच्या रेस्पीने केले होते गं. इथे शोधावं लागेल.

अगं मिनोतीची 7 कप स्वीट्स कर.. हमखास जमणारी बर्फी आहे ती.

मग इथे नसेल तर लिही ना.

पुंटे, डेसिकेटेड कोकोनट आणि मिल्कमेड वापरुन लाडू कर. सोप्पे आणि मस्त. प्रमाण देते पाहिजे तर.

नारळाचा पांढराशुभ्र चव घेऊन तो मेजरींग कपमध्ये दाबून दाबून भरून मोजायचा आणि त्याच्या निम्मी साखर घेऊन ते दोन्ही कढईत गोळा फिरेस्तोवर परतायचे, वासाला फक्त वेलची, केशर नाही आणि लाडू वळून झाले की ते पिस्त्याची पूड करून त्यात थोडे घोळवायचे.

वरती पूनमने 'इथे रेस्पी लिहू नये' असे लिहीलेले नाही त्यामुळे माझ्याकडे डोळे वटारून पाहू नये ~ हुक्मावर्न

मंजूडी
पण खरंच यो जा कृ टा. म्हणजे शोधायला सोप्प पडेल.

प्रिन्सेस, गणपतीत मी लिहिलेले नारळ व रव्याचे लाडू खरेच सोपे आहेत. करून पहा.

प्रिंसेस फारच सोपं हवं असेल तर खजूर किंवा अंजीर रोल करून बघ. चुकायची शक्यता नाहीच.
http://www.maayboli.com/hitguj/messages/103383/116327.html?1158139725 ईथे पहा.

सिंडी, प्राची, मंजुडी, मनु , प्रॅडी धन्यवाद. आता रोज रंगीत तालीम करुन एक एक पदार्थ करुन बघावे लागतील. बरेच ऑप्शन्स मिळालेत.

मला कुणी सांगेल का की भारतात व्हीट पास्ता आणि पास्ता सॉस (इथल्या प्रेगो, क्लासिको,रागू ब्रँडचे असतात तसले रेडीमेड) मिळतो का?

हो. आज काल जे बिग बझार वगैरे झालेत तिथे मिळतो असे ऐकलेय.

मला कुणी सांगेल का की भारतात व्हीट पास्ता आणि पास्ता सॉस (इथल्या प्रेगो, क्लासिको,रागू ब्रँडचे असतात तसले रेडीमेड) मिळतो का?>>>> हो, मिळतात. बॉम्बीनो, एम्टीआर ब्रॅण्डचे पास्ता मिळतात सगळीकडे. पास्ता सॉस मोठ्या स्टोअर्समध्ये मिळतात.

पास्ता सॉस, हर्बज मिळतात पण जर इंपोर्टेड घेतला तर बाट्लीवर एक्स्पायरीडेट लिहीलेली असेल ती नीट वाचून मग घे. अगदी बारीक लिहीलेली असते. घरी बनविणे खूप स्वस्त व ताजे चांगले पड्ते. हर्बचे पाकिट आणायचे, नाहीतर पिझा हट्चे इटालियन सीजनिंग एक पाकीट व चमचा भर ओवा घालायचा म्हणजे मस्त सॉस होतो. इंपोर्टेड पास्ता सर्व शेप व साइज चा मिळेल. पण तो लिसीया बांबिनो पेक्षा दुप्पट महाग असतो.
पण वर्थ इट. चव जास्त चांगली असते. रंगीत - पिंक व ग्रीन पण मिळतो . बाट्लीबंद सॉस मध्ये सोडियम व प्रीजर्वेटिव्स जास्त असतात त्याची गरज नाही.

पीहू, सुलेखाने पराठे लिहिले आहेत तसेच.
प्रिंन्सेस चिवडा जमतो ना, मग गोड चिवडा आणि तिखट शंकरपाळ्या करता येतील.
गोद चिवड्यासाठी पोहे भाजून वा तळून घेतले कि साधारण गरम असतानाच वरुन पिठिसाखर आणि वेलचीपुड टाकायची. दाणे, काजू, बेदाणे आवडीप्रमाणे.
तिखट शंकरपाळ्या आहेत इथे.

ते इटालियन सीजनिंग घरी करायचं असेल तर काय करावं लागेल? ते तर नुसतं ऑम्लेट वर देखील घालता येतं.

धन्यवाद दिनेशदा अहो चिवडा अन शंकरपाळ्यापर्यंतच धाव आहे माझी
चिवडा (गोड आणि तिखट), शंकरपाळे (गोड आणि तिखट), बेसनाचे लाडु... झालेत की पाच पदार्थ

पण यावेळी नेहमीच्या फराळाशिवाय काहीतरी वेगळे करुन पहायचे आहे. बर्फीचा कुठला तरी प्रकार करायचाय. म्हणुन जरा सोपे ऑप्शन्स शोधते आहे.

नवशिक्याला करंजी कठीण होईल का? आईकडे करंजीनेच सुरुवात होते फराळ बनवायला.

नवशिक्याला करंजी कठीण होईल का?>>> थोड्या प्रमाणात करून बघ ग. सोप्या असतात. 'रुचिरा' आहे का तुझ्याकडे?? त्यातले प्रमाण वापर डोळे झाकून (म्हणजे प्रमाण पाहताना डोळे उघडे असू देत हं :डोमा:)
जमेल सगळं.

प्राचे तुला लाडू विचारलेत (विपु मध्ये) त्याचे प्रमाण अजुन लिहिले नाहीयेस. किती मस्का मारावा लागेल?

रुचिरा नाहीये ग सगळी भिस्त माबोवर आहे

प्रिंन्सेस, रात्री करंज्या लिहितो डिटेलवार (रात्री गरब्याला जायचेय. यायला पहाट होणार. बघूया जमवतोच.)

दिनेश जमल्या तर बेक्ड करंज्या पण लिहा, परत साठे वापरुन् केलेल्या खुस्स्खुशित करंज्या.. त्याही लिहा..

प्रिन्सेस, शॉर्ट्क्रस्ट पेस्ट्री/ पफ पेस्ट्री शीट्स वापरुन करंज्या कर.. सोप्या आणि हमखास जमणार्‍या.. चुकायचे चान्सेस कमी शिवाय त्या बेक करुन करायच्या त्यामुळे तळण्याची भानगड पण नाही इथे थोडक्यात रेसिपी टाकलिये .... http://www.maayboli.com/node/20472

साधना, मी लिहील्यात बेक्ड करंज्या, पण त्या पेस्ट्री शीट्स वापरुन केल्या आहेत. भारतात पेस्ट्री शीट्स मिळतात का ते माहित नाही.

दिनेशदा, तुमच्याकडे 'फ्रॉम स्क्रॅच' बेक्ड करंज्यांची रेसिपी असेल तर नक्की टाका प्लिज

मी इथे लिहिलीय नी रुपालीने चित्रे टाकलीत.
http://www.maayboli.com/hitguj/messages/103383/134239.html?1194549607
इथे बेक्ड आहेत खाजाच्या करंज्या
http://www.maayboli.com/hitguj/messages/103383/64893.html
प्रमाण तेच आहे. पण बेपॉ नाही टाकायची.

इथे पण आहेत करंज्या.

अरे फुलके फ्रीज मध्ये ठेवुन पाहीले.. जमले ..धन्यवाद

आता फराळाचा बीबी शोधायचाय!

इथे लाजोनी लिंक दिली ना, म्हणून लिहायचा आळस केला.

नवीन पदार्थात गोड चिवड्याबरोबर मला मूगडाळीच्या कचोर्‍या सूचल्या. या कचोरीच्या सारणासाठी तयार तळलेली मूगडाळ वापरायची. त्यापैकी थोडीशी वाटून घ्यायची, मग त्यात जिरे, मिरे, लवंग ओवा वगैरे वाटून टाकायचा. थोडी डाळ पण वाटून घ्यायची. चवीप्रमाणे तिखट, साखर व लिंबूफूल घालून सारण करायचे. मग नेहमीच्या मैद्याच्या कचोरीप्रमाणे करायचे.

तांबिटाचे (तांदूळ भाजून त्याचे पिठ करुन) लाडू पण करता येतील. गोव्यामधे पेरुच्या वड्या करतात. (पिकलेले पेरु, उकडून ते कपड्यावर गाळून बिया वेगळ्या करायच्या, मग तो गर गूळ घालून घट्ट करायचा. स्वादिष्ट लागतात.) नाचणीचे दोदोल (मी कृति लिहिलीय), साबुदाण्याचे लाडू वगैरे अनेक पदार्थ करता येतील.

कोजागिरी पौर्णिमा आलीय जवळ आणि दरवेळी करतो तसा 'एवरेस्ट - दूध मसाला' वापरुन मसाला दूध तयार करायचा कंटाळा आलाय. एखादी दुसरी पध्दत आहे काय रेडिमेड मसाल्याशिवाय? कंडेन्सड मिल्क चा वापर करता येइल काय?

घरी दूध मसाला करता येईल - http://vadanikavalgheta.blogspot.com/2007/03/blog-post_5494.html.
कंडेन्सड मिल्क आणि साधे दूध घालून दूध करता येईल पण कितपत घट्टपणा येईल माहिती नाही.

घरगुती पध्दतीने दूध मसाला करुन पाहतो, धन्यवाद.

कोशर फूड्स चा "गोया" म्हणून जो ब्रँड मिळतो त्यांची ग्वावा पेस्ट मिळते. ती वापरता येईल बहुदा ह्या पेरूच्या वड्यांसाठी. ह्या पेस्टची चाट साठी पण छान चटणी बनवता येते. अगदी चिंच खजुराच्या चटणी सारखी.