तू असताना आयुष्याचा बहर काय वर्णावा,
दाटीवाटी करुन सुखांचा रोजच सडा पडावा!
तू असताना फुलतो निसर्ग सारा मनात माझ्या,
व्यापुन जातो कण न कण हिरवाईने ताज्या..
तू असताना घरात येती मऊ उन्हे सोनेरी,
झोतामधल्या कणाकणातुनी प्रेम तुझे पाझरी..
तू असताना दर्पण माझा दुरून हेवा करते,
रूप तुझ्या डोळ्यातच माझे खूप देखणे दिसते.
तू असताना परीसर सारा माझ्यासाठी क्षुल्लक!
केवळ तू अन तुझ्या क्षणांचा ठेवा राहतो शिल्लक!
तू असण्याचे खरेतर आहे कारण माझे जगणे..
सत्य एवढे सुंदर आता नकोच स्वप्ने बघणे!
-सुमेधा पुनकर
संपूर्ण कविताच सुंदर सुमे.. दिवसेंदिवस अप्रतिम लिहिते आहेस.
तू असण्याचे खरेतर आहे कारण माझे जगणे..
सत्य एवढे सुंदर आता नकोच स्वप्ने बघणे!
तू असताना आयुष्याचा बहर काय वर्णावा,
दाटीवाटी करुन सुखांचा रोजच सडा पडावा!
तू असताना परीसर सारा माझ्यासाठी क्षुल्लक!
केवळ तू अन तुझ्या क्षणांचा ठेवा राहतो शिल्लक!
हे छानच.
chaan!!!
छानच ग सुपे
सुमे काय घेतेस सध्ध्या
नाही आम्हाला सांग सिक्रेट आम्ही पण घेउ. म्हणजे आम्हाला पण अशा छान कविता सुचतील
छानच ग
कविता खुप सुंदर आहे सुमेधा.
फार छान.
सुंदर.....
धन्स लोक्स
वर्षे..आम्ही आमचे ट्रेड शिक्रेट्स कोणाला सांगत नाही
सुपे वर्षीला पाठवते थांब झब्बू द्यायला..
बाकी कविता झ्याक..
सुमे छान जमलिये.
वर्षीचा धसकाच घेतलाय सगळ्या कवींनी हल्ली. कवितेच्या आधी हिची विडंबन तयार असतात
आईशप्पत दक्षे मनात पण नव्हते याचे विडंबन.. घे आता भोगा कर्माची फळ
http://www.maayboli.com/node/21276
शुकु खरच दक्षीच्या आणी माझ्या पोस्टीत १० मिनिटांचाच फरक आहे
सुमे, खुप सुंदर कविता... हळवी एकदम
नक्कीच काहितरी उलगडतय आयुष्यात..... हो ना???
<<तू असताना घरात येती मऊ उन्हे सोनेरी,
झोतामधल्या कणाकणातुनी प्रेम तुझे पाझरी..>>
ह्या ओळी जास्त आवडल्या.
सुमे.. छाने कविता..
तू असण्याचे खरेतर आहे कारण माझे जगणे..
सत्य एवढे सुंदर आता नकोच स्वप्ने बघणे!
खुप गोड !
आतून आलेल्या भावना रॉ स्वरुपात जश्याच्या तश्या ओतल्या आहेत. छान कविता. शुभेच्छा.
तू असताना परिसर....आवडले, प्रेमात पडलेल्या तरुणीच्या सुंदर भावना.
वर्ष..विडंबन खासच!
सर्वांचे पुन्हा एकदा मनापासुन आभार
लाजो
सुमे, छान कविता, आवडली..
तुझ्या आज्ञेचं पालन लगेच करण्यात आलय.
कविता सुंदर..
तू असताना परीसर सारा माझ्यासाठी क्षुल्लक!
केवळ तू अन तुझ्या क्षणांचा ठेवा राहतो शिल्लक!
हे कडवे खासच
आवडली......
व्वा! एक वेगळाच 'फील' येतो वाचतांना. जणू शब्दही डोळे मिटून स्वतःस कोणालातरी समर्पित करीत आहेत असा भास होतोय.
धन्यावाद
सम्या..तुझं कल्याण होवो
बाकी सगळ्यांचे खुप खुप आभार
सुमे... भरधाव सुटलीहेस. पुलेशु
हा माझा पेशल पर्तिसाद http://www.maayboli.com/node/21326
सुंदर आणि शेवट तर अतिसुंदर.
वा वा... तपशील छान आले आहेत...
शेवटचे कडवे आवडले..
क्षुल्लक आणि शिल्लक ही छान!