फ्लेक्स थीम पार्क!
Submitted by फारएण्ड on 5 July, 2012 - 05:55
पुणे अचानक फ्लेक्सविरहीत झाल्याने जनतेत एकदम गोंधळ निर्माण झालेला आहे. एकतर कोण थोर नेत्यांचे वाढदिवस आहेत, कोण कोणाचे प्रेरणास्थान, स्फुर्तीस्थान आहे, कोणाची कोणत्या समितीवर निवड झाली वगैरे मौल्यवान बातम्या मिळत नाहीत. अचानक काही स्पर्धा घोषित होउन काही नेत्यांची नावे त्यासंबंधीच्या फलकात दिसू लागली आहेत पण त्यात रंगीतसंगीत फ्लेक्सची मजा नाही. त्यामुळे गॉगल घालून, दाढ्या वाढवून, फेटे बांधून, बीयर गाल वाढवून, गंध लावून स्वतःचे फोटो काढणार्यांचीही संख्या कमी झाली आहे. तसेच कोठेतरी जाताना कार्यकर्त्यांना हात दाखवत असलेल्या पोजमधलेही.
गुलमोहर:
शेअर करा