एक दिवसाचा पाहुणा - सनबर्ड पक्ष्याचे पिल्लू
Submitted by पुरंदरे शशांक on 27 March, 2011 - 06:45
एक दिवसाचा पाहुणा - सनबर्ड पक्ष्याचे पिल्लू
एका सक्काळी सक्काळी दार उघडून समोर अंगणात बघतो तर काय - चक्क सनबर्ड पक्ष्याचे एक गोड पिल्लू बसलेले. ती मादी आहे हे लगेच ओळखू येत होते. मी आजूबाजूला कानोसा घेत होतो त्याच्या आई-बाबांचा, पण त्यांचा तर पत्ताच नव्हता ! मी जवळ जाऊन पाहिले तर ते पिल्लू बिचारे भेदरलेले होते. अशा पिल्लांना मांजरे, कावळे लगेच भक्ष्य बनवू शकतात हे ओळखून मी त्याला अलगद उचलून घरात आणले.
त्या गोजिरवाण्या जीवाला पाहून घरात एकदम जल्लोष उडाला. मुलींनी तर लगेच सुरुच केले - "आपण पाळू या त्याला आता".
गुलमोहर:
शेअर करा
