मोहाचं झाड

सूकापूर, सुकापूर असे कंडक्टर ओरडला आणि मी तंद्रीतून जागा झालो. सामान आधीच पोहोचले होते.
त्यामूळे माझ्याजवळ आता फक्त एक बॅगच काय ती होती. घर शोधावे लागलेच नाही, रेडकर न्यायला
आलाच होते.
"येवा, येवा मास्तरानू, बरा असा मा ?" अगदी तोंडभरून स्वागत झाले. त्याच्या गावाला माझी बदली
झाली हे जणू त्याच्या ईच्छेप्रमाणेच झाले, असे त्याला वाटत होते.
प्रथमदर्शनी तरी गाव छान वाटले. तसे मुंबईपासून फार लांब नाही आणि गजबजाटही नाही. इथली
शाळापण अशीच असू दे, म्हणजे गावात निवांतपणे राहता येईल.

"चालत जाउचा का रिक्षा करुची मास्तरानू ?" रेडकराने विचारले.