नावात

शेक्सपिअरनं म्हटलंय नावात काय?
ती तर एखाद्याला ओळखायची सोय
गुलाबाला म्हणालात जुलाब
म्हणून तो घाणतो काय?
कुणाला बोलवायचं म्हणजे
काही तरी नाव हवंय
सोम्या, गोम्या, दगड्या, धोंड्या वगैरे वगैरे

बहुतेकांवर देवादिकांचा पगडा
की आदर्श आशावाद बापडा ?

त्यांना वाटत असावं
सात्विक नाव ठेवल्यास
बाळ सात्विक निपजावं
मनाच्या देव्हाऱ्यातल्या देवाचं
देवत्व माणसांत उतरावं

घडतं वेगळच

तरीही पोरं,नातू,पणतू, नात
देव होऊनच पोटाला येतात