देव म्हणजे देव म्हणजे देव असतो

नमस्कार,

ही कविता मला "देव म्हणजे काय" या बाफ वर चर्चा वाचुन सुचली होती (काही वर्षे झाली त्याला बहुतेक). तेव्हा ती वाहत्या पानावर होती म्हणुन कोणी वाचली नव्हती.(असा मी माझा समज करुन घेतला :)) म्हणुन आता परत पोस्टत आहे.

दोन संदर्भः
१. यातील "स्वार्थाचा चष्मा" ही उपमा नंदिनीच्या "विठ्ठल तो आला आला" या अप्रतिम लेखातुन घेतली आहे. आभार नंदिनी!
२. त्या बाफवर कोणीतरी संतांना साक्षात्कार झाला होता म्हणजे संतांचा "केमिकल लोच्या" झाला होता (आठवा :लगे रहो मुन्नाभाई.. :)) असे लिहिले होते.
---------------------------------------------

देव म्हणजे देव म्हणजे देव असतो..
तुमचा आणि आमचा अगदी सेम असतो..

ख्रिस्ती लोक "गॉड" म्हणुन हाक मारतात
मुस्लीम लोक "अल्लाह" म्हणुन साद घालतात
भाषा वेगळी असली तरी देव तोच असतो
बाहेर तो दिसत नाही त्याला आत पहावा लागतो

समर्थाना राम म्हणुन भेटला
मीरेला श्याम म्हणुन भेटला
मला भेटायला मात्र तो कधीच येत नाही
कारण माझ्या डोळ्यावरचा स्वार्थाचा चष्मा
मी कधीच काढत नाही..

कोणी म्हणतात देवाची मला गरज पडत नाही
कारण त्याच्यावाचुन माझे काहीच अडत नाही
गरजेपोटी केली त्याला भक्ती म्हणत नाहीत
जीवन जगण्याची त्यातुन शक्ती मिळत नाही

देव म्हणजे देव म्हणजे देव असतो..
"यांचा" आणि आमचा मात्र सेम नसतो..

सहांच्या ताब्यातुन सुटल्याशिवाय देव दिसणार नाही
कितीही अवडंबरे केली त्याला देव फसणार नाही
देव अनुभवायला आहे एक उत्तम उपाय
अहंकार फेकुन देउन धरायचे सद्गुरुंचे पाय

आता देवा तुझ्या चरणी आहे एकच प्रार्थना..
संतांचा केमिकल लोच्या केलास तसा माझा पण कर ना...

देव म्हणजे देव म्हणजे देव असतो..
तुमचा आणि आमचा अगदी सेम असतो..