ताकापूनामधली फूले

न्यू झीलंड ला गेलो होतो त्यावेळी टिपीकल प्रोग्रॅम असा काहि नव्हता. नुसताच भटकत होतो. त्यावेळी टिपलेली हि अनोखी फुले. आधी लिहिल्याप्रमाणे जून म्हणजे तिथे हिवाळा. बहर नव्हता ( पण शिशिर असा तर बहर कसा असेल असे वाटल्यावाचून कसे राहील ? )

हा ऑर्किडचा प्रकार वाटला, तरी ऑर्किड नाहि.

हा त्यांचा कुर्डू म्हणावा का ? रस्त्याच्या कडेला उगवला होता.

हे पण असेच रस्त्याच्या कडेचे फूल. काय मस्त रंग होता !!

हा फोटो मी खूप लांबून घेतला आहे. जरा अस्पष्ट आहे, पण अगदी आपल्या तिरंग्याचे रंग आहेत या फूलात.

हि अश्या तर्‍हेची फुले लाल रंगाच्या अनेक छटात होती. तपमान खूपच कमी असल्याने, बरेच दिवस झाडावर असत ( पण त्याचमूळे कळ्या लवकर उमलत नसत )

रस्त्याच्या दूभाजकावर सगळीकडे हि झाडे होटि. फुलोरा सहज आठदहा इंच व्यासाचा. सगळे फुलोरे सुकले होते. हा एकच तेवढा टिकून होता.

सहा सात इंच असे उभे फूल होते हे. आधी वाटले पानेच असतील आणि वर सुरवंट आसतील, पण तसे नव्हते.

आणखी आहेत बरं का !!!