दैनिक मायबोली : गणेशोत्सव समारोप विशेषांक

संयोजक मंडळाचे अनेक आभार. परदेशात राहिल्याने इथल्या उत्सवामुळे उत्सवाचे चैतन्य मनातही येते. आपापला वेळ काढून सगळ्यांना मजा यावी यासाठी कल्पक उपक्रम, त्याची जाहिरात, आठवण करून देणं, प्रोत्साहन देणं हे सगळं पाहून घरचं कार्य वाटल्याने भाग घेण्याचा उल्हास आला.

शशक तर शंभर आलेत असं वाचलं, त्यातील भरपूर वाचलेत पण अजूनही काही राहिलेतच. जे या उपक्रमांमुळे लेखन करायला लागले ( उदा. धनवन्ती ) त्यांनी प्लीज ही लिंक तुटू न देता स्वतंत्र लेखन करत राहा. आपलेच आहेत सगळे.

शशकांमुळे दोन दिवसांपूर्वी स्वप्न पडले की मी पण विनोदी शशक लिहिले होते पण कुणीच हसेना वर अवांतर होऊन लोक इन्कम टॅक्स वर चर्चा करू लागले. खाडकन जाग आली. शशकांमुळे डोक्यावर परिणाम!

पहिला विमान प्रवास - मी चुकून खिडकीतून हात काढणार होतो पण खिडकी बंदच निघाली असं होईल की काय वाटले होते पण हा उपक्रम निरागस आणि नवलाईने नटलेला होता. अजून सगळ्या विमानाची चक्कर मारून झाले नाही पण मारणार आहे.

गेले करायचे राहून - फार पर्सनल लिहिले असते तर कोतबोच झाला असता म्हणून अगदी मोघम लिहिले व बऱ्याच प्रमाणात रिस्क घेतली. पण आपल्या मर्यादा जोखायला आणि त्या ओलांडायला आपलं आपणच शिकावं लागतं याची आठवण या उपक्रमामुळे झाली. कधीकधी माहिती असणाऱ्या गोष्टींची सुद्धा चाकोरीबद्ध आयुष्यामुळे शिथिलता येते, ती शैथिल्याची कात टाकल्यासारखी वाटले. त्यासाठी सर्वांचेच खूप आभार. इतरांचे वाचतानाही नंतर अरे, हे तर माझे पण राहून गेले आहे की असे दरवेळी होत होते. संपूर्ण ज्येष्ठ नागरिक मोडमधे जाऊन हळहळ वाटायच्या आत आवरून मनातल्या मनात एक ढोबळ रिअलिस्टिक यादी किंवा बकेट लिस्ट करता आली ती तुम्हा सगळ्यांमुळे.

यात सोनूचे विशेष कौतुक. तिच्या लेखामुळे वेगळं जग , वेगळा अनुभव नितळ मनाने बघता आला. थॅंक्यू सोनूताई!

फळ, फूल, मसाला पेय. ही स्पर्धा आल्यापासून आपल्याला तर काही येणार नाही असे वाटून "पहेली" मधल्या नॉन भूत शाहरुख सारखे दिवसभर "फल, फूल, गुलाबजल" घोकत होते, जमल्यावर एकदम भूत शाहरुख सारखे रसिकबिसिक वाटले.

चिवड्याला मत देणाऱ्यांचे, वाचकांचे, मनातल्या मनात कौतुक करणाऱ्या सर्वांचेच आभार. तुम्हाला नेहमी खुसखुशीत चिवडा मिळो. उर्वरित लोकांना त्यांच्या त्यांच्या नशिबाप्रमाणे मिळो. मी काही चिवड्याचा गौतम बुद्ध थोडीच आहे.

हा वरचा भित्तीपत्रकासारखा दिसणारा अभिनव पद्धतीने लिहिलेला समारोप फार आवडला. त्यामुळे येथेच पसरायचे ठरवले होते. पुन्हा एकदा संयोजक मंडळाचे आभार.

एवढं बोलून मी माझे दोन शब्द संपवते, जय हिंद जय महाराष्ट्र! गणपती बाप्पा मोरया!

कुणी लिहीलंय? फार मस्तं लिहीलंय.
कव्हर सुद्धा आवडलं. एआयने केलेलं असेल तरीही आवडलंच.

पहिलं बक्षीस थोडक्यात हुकलं. ज्या विभागात प्रवेशिका दिली त्या विभागात बक्षीसच नव्हतं.
आता फक्त ऑस्करसाठीच प्रवेशिका देणार.

झकास वार्तांकन !

वृत्तपत्रीय फॉर्मेट मजेशीर आहे.

यंदाच्या गणेशोत्सवा बाबतचे मनोगत :

आधी लिहिलेले इथे परत डकवतो आहे.

साधारण ९ वर्ष माबोवर आहे, पैकी गेली ३-४ वर्षे एक pattern झाला आहे त्यानुसार दर २-३ दिवसात एकदा इथे डोकावतो. सिनेमा, वेबसिरीज, भाषा आणि रेसिपी-खादाडीचे धागे आधी बघतो, मग अन्य काही धागे. माझ्या धाग्यांवर कुणी काही प्रतिसाद दिले असतील तर ते acknowledge करतो. व्यक्तिगत निरोप असतील तर ते वाचून डिलीट करतो. एव्हढाच वावर.

प्रतिसाद दिला तर नेहेमी लेखन नीट वाचून मगच. वरवर बघून मस्त-मस्त किंवा नाना पाटेकर फेम “हा छान, तो छान, तू छान, मी छान, आपण सगळेच छान छान” टाइप प्रतिसाद देत नाही. Mutual back scratching sessions अपेक्षित आणि पसंत नसल्याने खरेच काही आवडले तर कॉम्प्लिमेंट. ती मात्र genuine, मनापासून.…

तर, या सगळ्यासाठी रोज ५-१० मिनिटे पुरेशी होतात. सगळेच वाचून होते असेही नाही, but that’s ok.

मागच्या गणेश उत्सवात फक्त पाककृतींच्या आणि शब्दखेळांच्या स्पर्धा एवढाच वावर होता, वाचन आणि आवडल्यास प्रतिसाद.

यंदा मात्र सर्वच उपक्रम डोळ्याखालून घातले. दर दिवशी, कधीकधी तर दिवसातून दोन दा चक्कर टाकली, काय नवीन ते बघायला. एका महत्वाच्या प्रकल्पाचे काम अचानक तीस दिवस पुढे ढकलले गेल्याने हाताशी थोडा वेळ होता ते पथ्यावर पडलेच पण माबोकरांचा उत्साही सहभाग was a bigger factor and the enthusiasm was infectious.

लेख वाचले, अनुभव- कथा वाचल्या, फोटो डकवले, इमोजीयुक्त प्रतिसाद लिहिले, और तो और आयुष्यात पहिल्यांदा शतशब्द कथाही लिहिल्या - वट्ट दोन ! एकूण मजा आली. अजून सगळेच वाचले नाही, राहिलेले नंतर निवांतपणे वाचणार.

“पहिला विमानप्रवास” मात्र फार जुनाट आणि overdone विषय होता. त्याला लेखक-वाचक दोहोंचा भरपूर प्रतिसाद मिळाला याचे आश्चर्य वाटले. Maybe I was out of sync here.

यंदा बरेच नवीन माबोकर लिहिते झाले, अदरवाईज न लिहिणारी बरीच नवीन नावे दिसली. प्रतिसादादाखलही भरभरून लिहिले सर्वांनी, which is so good.

आयोजकांनी कल्पक, आनंद देणारे उपक्रम राबवल्याने सोहळ्यात सहभागिता वाढली - there was something for everyone.

संयोजक चमू च्या अतरंगी, अमितव, अभ्या..., ऋतुराज., भरत. ,मनिम्याऊ_मृण्मयी यांच्या कल्पक आयोजना मुळे साहित्यिक षडरसभोजनाचा आनंद सर्वांना घेता आला.

उत्सव संयोजक टीम चे आभार आणि त्यांनी घेतलेल्या परिश्रमाबद्दल कौतुक आणि कृतज्ञता 🙏

या वेळचा गणेशोत्सव फार आगळा वेगळा आणि छान पार पडला.

1. गणपतीच एकच कॅरिकेचर सर्वत्र विविध भावांमध्ये डोकावत राहीले आणि बाप्पा फारच गोड व मिस्किल होता - हे खूप आवडले.
2. उपक्रम, स्पर्धा सुद्धा आटोपशीर आणि सुनियोजित होत्या. एक स्पर्धा - लोगोवाली रद्द करावी लागली हे एकच वाईट वाटले.
3. मला रात्रीचे आकाश हा झब्बु आवडला
4. आणि होय 'गेले करायचे राहून' - फार मस्त उपक्रम होता तो.
5. शशकांमुळे तेवढेच अलंकार कोणते आहेत, रस कोणते आहेत त्याची उजळणी झाली.
6. मी लिहीलेली पोस्टपार्टम सायकॉसिसची कथा अतिच भयानक होती. मलाच डिस्टर्बिंग वाटत होती तेव्हा ती काढली हे बरेच झाले.
7. 'गेले करायचे राहून' मध्ये आपला एक आल्टर ईगो बाहेर काढता आला - याचा आनंद वाटला. खरच कोणाला सुचलेली ती आयडिया?
8. पाककृतींमध्ये मला विशेष रस नसतो पण यावेळेस फारच कल्पक पाककृती आल्या. तसेच काही स्पर्धकांचा उरक पाहूनच धापा टाकायला झाले.
9. आणि हे वृत्तपत्रिय वार्तांकन तर चेरी ऑन टॉप आहे..

-------------------------
अतरंगी, अमितव, अभ्या..., ऋतुराज., भरत. ,मनिम्याऊ_मृण्मयी - जबाबदारी इतकी छान पार पाडल्याबद्दल आणि अनेकांना लिहीते केल्याबद्दल सर्व संयोजकांचे आभार 🐭

वाह! मस्त खरोखरच 'करायचे राहून गेलेल्या गोष्टींचा महापूर आला' आणि 'पहिल्या उड्डाणांची धावपट्टी अपुरी पडली'. या सर्वांमागचे संयोजकांचे अथक परिश्रम खरोखरच कौतुकास्पद आहेत. कारण सर्व स्पर्धा/उपक्रम आयोजित करणे, ते राबवणे आणि अखेर मतदान वगैरे घेणे यासाठी प्रचंड ऊर्जा, सृजनशीलता आणि मेहनत आवश्यक असते. या निमित्ताने सर्वांना लिहिते केल्याबद्दल संयोजकांना मनापासून धन्यवाद _/\_

फारच मस्त जोरदार आढावा घेतला आहे.
प्रचंड संख्येत येणाऱ्या एन्ट्री बघणे अतिशय कल्पक आणि मागच्या वर्षी पेक्षा अगदी वेगळ्या स्पर्धा दर वर्षी ठेवणे याबद्दल संयोजक मंडळाचे कौतुक आणि आभार!!
(परत एकदा भुणभुण प्यादं पुढे सरकवते:पुढच्या वर्षी स्पर्धा गणेश चतुर्थी ते अनंत चतुर्दशी नंतर 1 आठवडा आणि त्यानंतरच्या रविवारी 12 वाजता अमेरिकी प्रमाण वेळेत समारोप असा करा!! तसेही यावर्षी लोक उत्साहाने 1 आठवडा नंतर पर्यंत लिहीत आहेतच.)

दिसतं तसं नसतं आणि फळ फुल मध्ये लोकांनी खूप कल्पकता दाखवली. मिम्स स्पर्धेत भाग घ्यायला आवडला असता पण मराठी हिंदी मालिकांशी टच अनेक वर्षांपूर्वी संपला आहे त्यामुळे काही सुचलंच नाही.पिक्चर वर मिम्स असते तर भरपूर सुचलं असतं.

शशक लोक खूप उत्साहाने लिहितात.आणि न लिहिणारे लिहिते होतात.त्यामुळे खूप महत्त्वाची मोलाची स्पर्धा आहे.दरवर्षी चालू राहावी.विमान प्रवास मनोरंजक वाटले. गेले करायचे राहुनी मधल्या गोष्टी आठवून त्रास होईल त्यामुळे तिथे काही लिहिले नाही:)

आमचा रुमाल आठवल्याबद्दल स्पेशल धन्यवाद.

गेले करायचे राहून ला मिळालेल्या प्रतिसादामुळे पुन्हा काही प्रवेशिका मागवण्यात येणार आहेत असे समजले.

गेले करायचे राहून (मतदान)
गेले लिहायचे राहून (प्रतिसाद)
आणि
गेले वाचायचे राहून

येऊद्यात मग.

२०२६ नंतरच्या सर्व गणेशोत्सव- संयोजक चमूंसाठी बार फार उंचावला गेलेला आहे त्यामुळे काहीं होतकरु आणि इच्छुक संयोजकांच्या कोमल हृदयावर ताण आल्याची बातमी आत्ताच हाती लागली आहे

संयोजक मंडळ, अभिनंदन! छान झाला उत्सव, आणि समारोपही आवडला! वृत्तपत्र फॉर्मॅट मस्त जमला आहे !

अभ्या अमितव भरत अतरंगी ऋतुराज मनिम्याऊ सर्वांचे अभिनंदन करून दाखवलेत ❤️

समारोपाची पोस्ट सुद्धा त्याच कल्पकतेला साजेशी जी पूर्ण गणेशोत्सवात दिसली ❤️

भारी लिहिला आहे समारोप! उद्घाटनाचं गार्‍हाणंही जमून आलं होतं!

उपक्रम किती यशस्वी झाले ते प्रवेशिकांच्या ओघावरून स्पष्ट दिसत आहेच. अनेकांना लिहितं केलंत, संयोजक!
सगळ्या प्रवेशिका वाचूनदेखील झालेल्या नाहीत माझ्या!
मला व्यक्तिशः प्रत्येक प्रवेशिका सुचताना, लिहिताना आणि मग अभिप्राय स्वीकारताना प्रचंड आनंद मिळाला. त्याचं मोल कशातच होऊ शकत नाही.

मुलांचा सहभाग दिवसेंदिवस कमी होत जाणार हे बहुधा आता आपण स्वीकारायला हवं. कालाय तस्मै नमः!

उत्सव खूप छान पार पाडलात! दमलात, विश्रांती घ्या.

वा! काय भारी समारोप आहे
यंदाचा गणेशोत्सव अगदीच हटके झाला.
मला वाचनाचा सुद्धा नीट सहभाग घेता आला नाही पण लक्ष होतं, कल्पक आणि दर्जेदार उपक्रम आणि त्याला साजेशा येणाऱ्या तशाच उत्तम प्रवेशिका!
अजुन वाचतो आहे जमेल तसे.

संयोजकांचे आणि सहभाग घेणाऱ्यांचे कौतुक करावे तेवढे थोडे आहे.

शशक अनेक, मत सिर्फ एक!
बहुत नाइन्साफी है.
सरदार, कुछ करो.
ये भी है वो भी है, किसको वोट करू?
असे झाले.

छान लिहिलंय समारोपचं वृत्तांकन. यावर्षीचा गणेशोत्सव छान पार पाडला. भरपूर शशक आल्या त्याही उत्तमोत्तम त्यामुळे वाचायला मजा आली .फळ फुल मसाला स्पर्धा खूप आवडली. यावेळच्या सगळ्यांच रेसिपी स्पर्धा एकसोएक होत्या.
विजेत्यांचे अभिनंदन तसेच भाग घेतलेल्या सर्वांचे कौतुक. उपक्रमही आवडले.यासाठी मेहनत घेतलेल्या उत्सव संयोजक टीमचे कौतुक आणि आभार.

फारच कल्पक पद्धतीने वृत्तान्त लिहिला आहे. आवडला.

संपूर्ण उत्सव विचार करून केलेला होता. नॉस्टाल्जिया हा माबोकरांचा प्रिय गुण आहे हे जोखून पहिला विमानप्रवास आणि गेले करायचे राहुनि हे लेखन उपक्रम घेतलेत व अनेकांना लिहिते केलेत. फसवी पाकृ हा प्रकार मला विशेष आवडला. त्यात भाग नाही घेऊ शकलो, पण लोकांनी लढवलेल्या युक्त्या बघून मी अचंबित झालो.

संयोजकांनी वेळेत घोषणा , शंकासमाधान, उपक्रम, निकाल , समारोप हे करणे वरवर रूटीन वाटले तरी किती अवघड असते याची कल्पना आहे. त्यासाठी टीमवर्क जुळून यावे लागते. त्याची प्रचीती आली. खूप कष्ट घेतलेत तुम्ही! खरंच मनापासून कौतुक.

समारोपाच वार्तांकन ही आयडिया खूपच आवडली. मजा आली वाचताना.
ह्या वर्षीचा गणेशोत्सव मस्तच झाला. सगळे उपक्रम , स्पर्धा कल्पक होत्या. सहभाग ही सगळ्यांचा भरीव होता. त्यामुळे हे दहा पंधरा दिवस अगदी धामधुमीत गेले.
सर्व संयोजक चमूचे मनापासून अभिनंदन आणि आभार.

अतरंगी, अमितव, अभ्या..., ऋतुराज., भरत. ,मनिम्याऊ_मृण्मयी >>> सर्व संयोजकांचे आभार. यावर्षी एरवी रोमात असणाऱ्या कित्येक आयडी लिहित्या झाल्या याबद्दल विशेष कौतुक.

समारोपाचे वार्तांकन आवडले.

पुढच्या वर्षी स्पर्धा गणेश चतुर्थी ते अनंत चतुर्दशी नंतर 1 आठवडा आणि त्यानंतरच्या रविवारी 12 वाजता अमेरिकी प्रमाण वेळेत समारोप असा करा! >>> या सूचनेला अनुमोदन.
घरचा गणेशोत्सव उरकून कामाला लागल्यामुळे वेगवेगळ्या स्पर्धांत भाग घ्यायला जमले नाही.

पण फळ-फुल-मसाला आणि 'दिसतं तसं नसतं'मधील स्पर्धक माबोकरांची कल्पकता पाहून अचंबा वाटला.
यावेळी बऱ्याचश्या शशक संत्रे सोलून दाखवा स्पर्धेसारख्या न वाटल्यामुळे हुश्श्य झाले.

उत्सव उत्साहात उरकला
शशक मधे भाग यावर्शी घेता आला नाही त्याचं प्रायश्चित्त म्हणून किमान प्रतिसादातल्या एका ओळीत तरी अनुप्रास साधावा म्हणलं.

मी जरी कोणत्याच स्पर्धेत सहभागी होऊ शकले नाही तरी फुल ना फुलाची पाकळी म्हणुन एक करायचे गेले राहुन लिहुन घेतले.
मुलांनी मात्र सगळ्या उपक्रमात भाग घेतला.
घरातील महाराष्ट्र मधे एक तरी एंट्री आली त्यामुळे तो उपक्रम फेल गेला नाही असे डिक्लेर करुन मी संयोजकांच्या वतीने रिदीतचे कौतुक करुन घेते

सगळेच उपक्रम आटोपशीर आणि कल्पक होते. शिवाय नियमांचा भडिमार नसल्याने सगळ्यांना एन्जॉय करता आला.संयोजकांचे आभार!

खूप मस्त झाला गणेशोत्सव!
समारोप विशेषांक तर एकदमच मस्त झालाय! वरच्या सगळ्या प्रतिसादांना मम म्हणते... खूप खूप कौतुक संयोजक मंडळाचं!

लहान मुलांसाठी असलेला लोगोचा उपक्रम बंद करावा लागण्यात माझी शंका निमित्त ठरली याचं मलाच वाईट वाटतंय कारण उपक्रम छानच होता. मायबोलीकर जाईच्या मुलाची प्रवेशिकाही खूप गोड होती, पण तीही रद्द करावी लागली यासाठी मी मनापासून माफी मागते.
माझी मुलगी नंतरच्या उपक्रमात भाग घ्यायला उत्सुक होती पण तिच्याच शाळेत परीक्षा सुरू झाली आणि मग ते राहून गेलं.
माझा बरेचदा वाचनमात्र सहभाग असतो गणेशोत्सवात, पण या वेळी "गेले करायचे राहून" च्या निमित्ताने मी भाग घेतला. अजून खूप प्रवेशिका वाचायच्या राहिल्यात इतका भरघोस प्रतिसाद आहे प्रत्येक उपक्रमाला!

१०-१२ दिवस उत्सवी वातावरणात खूप प्रसन्न वाटत होतं. धन्यवाद संयोजक __/\__

अशा पद्धतीने समारोप लिहीला हेच फार फार आवडलय

एकदम हटके

उपक्रमच मस्त होताच पण समारोप फॉर्मॅट सगळ्यात टॉपला

किती छान लिहिलाय समारोप
Creative अगदी
कुणाचं डोकं आहे हे
खूप कौतुक
सगळे पोस्टार्स, स्पर्धा, उपक्रम नावीन्यपूर्ण होते आणि माबो करांनी उदंड प्रतिसाद दिला. दणक्यात झाला गणेशोत्सव, मजा आली..
संयोजक चमू साठी टाळ्या

लय म्हणजे लय्यच आवड्या. भारी लिहिलय.
बराच बॅकलॉग आहे पण जेवढं वाचलय त्यावरून यावेळच्या उत्सवाचं विराट रूप जाणवतय. संयोजक रॉक्स!

समारोपाच वार्तांकन ही आयडिया खूपच आवडली.

ही कल्पना, तो सुरूवातीचा पेपरचा फोटो, त्यातली "सदरे" आणि धाग्यातील वृत्तांत, सगळेच फार भारी आणि कल्पक आहे. ज्यांनी कोणी हे केले, यात सहभाग घेतला त्यांना एक मोठी दाद!

संयोजक मंडळाचे अभिनंदन आणि आभार! दहा दिवस धमाल चालेल, बरेच माबोकर त्यात सहभागी होतील (धाग्यांवर प्रतिसाद देणे हा ही "सहभाग" समजावा अशी मागणी करत आहे ) आणि या निमित्ताने सहसा फार न लिहीणारे लोकही लिहीते होतील हे जमवणे नक्कीच सोपे नाही. ते इतक्या यशस्वीरीत्या जमवल्याबद्दल अभिनंदन, आणि यानिमित्त माबोवर रसरशीत वाचनीय मटेरियल आले - याबद्दल आभार!'

सर्व पारितोषिक विजेत्यांचेही अभिनंदन!

संयोजक मंडळाचे खूप अभिनंदन! यंदाचा उत्सव मस्त झाला. सगळ्या सुचना, कम्युनिकेशन्स एकदम व्यवस्थित होती! सगळ्या गोष्टी अगदी वेळच्या वेळी झाल्या. क्रिएटिव्ह्ज मस्त होती. त्यात 'एआय'चा सढळ हस्ते वापर होता हे जाणवलं पण तो वापरही नेटका होता. कुठलीही पोस्टर्स किंवा फ्लायर्स बटबटीत नव्हती. प्रशस्तिपत्रकांचं डिझाईनही सटल होतं. एकंदरीत सगळीकडे गणपतीची जी एक आनंदी, "फन" इमेज दाखवली होती ती खूप आवडली. समारोपाची कल्पनाही मस्त आहे. बर्‍याचशा स्पर्धा आणि उपक्रम आवडले.

मी स्वत: जिन्नस एक..मध्ये भाग घेतला. गंमत म्हणून ठिक आहे पण तसा प्रकार प्रत्यक्षात कधी करू असं वाटत नाही. म्हणजे एका जेवणात एका जिनसाची थाळी! आम्ही थाळी केली खरी पण आम्हांलाच तांदूळाची उकड खाऊन कंटाळा आला. त्यामुळे स्पर्धा ठरवताना प्रॅक्टीकॅलिटी(?) चाही जरा विचार केला जावा असं वाटतं. सरबातांच्या एंट्री भारी होत्या!

शशकला सुरूवात / शेवट वगैरे न दिल्याने प्रवेशिका खूप आल्या असं वाटलं. काही काही शशक वाचत्या, त्या छान होत्या. अलंकारांची अट छान होती, पण ते मभादीला जास्त बरोबर वाटलं असतं.

"गेले करायचे राहून" हा विषय फारसा आवडला नाही कारण त्यात उगीच नकारात्मकता होती. त्यापेक्षा मागे होता तो बकेट लिस्ट उपक्रम जास्त आवडला होता. विमान प्रवासाचे सगळे लेख अजून वाचलेले नाहीत पण विषय आवडीचा असल्याने वाचेन नक्की.

गणेशोत्सवातला "निमंत्रितांचे लेख" (ते ही मायबोलीकरांचेच!) हा प्रकार मला अजिबात पटत नाही. दिवाळी अंक असताना त्यात लेखन निवडलं जाणं / न जाणं असलं तर भाग घेण्याची सगळ्यांना समान संधी असते. इथे तसं होत नाही. त्यामुळे हा एकच प्रकार सर्वसमावेशक नव्हता. शिवाय विषयांची आणि लेखकांची निवड ह्यामागे नक्की निकष काय होते हे ही अजिबात कळलं नाही. (एकजण फक्त राजकारणावर लिहितात आणि अजून एक फक्त नॉस्टॅल्जियावर! त्यामुळे नक्की थीम काय होती समजलं नाही). जाता जाता, मागे एका संयोजक मंडळाने गणेशोत्सवातल्या स्पर्धेचे निकाल मतदानाऐवजी परिक्षकांद्वारे लावायचं ठरवल्यावर "लोकशाही खतरे मे है!" चा नारा देणारे दोन जण संयोजक मंडळात असताना असा "नॉन-इन्क्लुजिव्ह" उपक्रम कसा काय झाला ह्याचं आश्चर्य वाटलं.)

हे दोन-तीन गोष्टी वगळता उत्सवात मजा खूप आली! संयोजकांचे पुन्हा एकदा अभिनंदन आणि धन्यवाद!

क्या बात है यार.. मस्त लिहिला आहेत समारोपाचा लेख. मंडळातली नावं बघितली तेव्हाच त्या धाग्यावर लिहिलं होतं बहुतेक- हा गणेशोत्सव भारी होणार.

उपक्रम कल्पक होते हे इतक्या लोकांनी भाग घेतल्यावर दिसलंच. (एखादा उपक्रम / स्पर्धा कल्पक आहे, पण लोकांनी भाग घेतलाच नाही असंही घडतं. ते इथं झालं नाही.) कितीतरी वेळा भाग घ्यायचा म्हणून ठरवलं पण अनेक कटकटींमुळे जमलं नाही याची रुखरूख राहीलच.

अनेक उपक्रमांतल्या अनेक प्रवेशिका फार सुंदर होत्या. आणि त्या इतक्या संख्येने असणं हे शुभचिन्ह म्हणा.

बकाप ब्रो! कार्य अंगावर घेतलं आणि नेटकं पैलतीरी नेलंत. अभिनंदन भिडू लोक्स!

फारच छान झाला उपक्रम.
भाग न घेता वाचक / प्रेक्षक म्हणून जी गंमत असते ती औरच असते. समारोपाचं लिखाण आवडलंच.
हे बहुतेक function at() { [native code] }अरंगी किंवा ऋतुराज यांनी लिहीलं असेल असा अंदाज.
बरोबर आला तर सांगा.

संपूर्ण उत्सव आवडला. ह्याकरताच गणेशोत्सवाची मी आतुरतेने वाट पाहत असते.

एका जेवणात एका जिनसाची थाळी! आम्ही थाळी केली खरी पण आम्हांलाच तांदूळाची उकड खाऊन कंटाळा आला. त्यामुळे स्पर्धा ठरवताना प्रॅक्टीकॅलिटी(?) चाही जरा विचार केला जावा असं वाटतं.>> मी भाग घेतांना एका जेवणात काय खाता येईल हा विचार करूनच कमीतकमी पदार्थ केले होते.
Otherwise बेसनाचे आणखी पन्नास पदार्थ सहज शक्य आहेत.

अतरंगी, अमितव, अभ्या..., ऋतुराज., भरत. , मनिम्याऊ_मृण्मयी संयोजक मंडळाचे खूप अभिनंदन!
समारोपाच वार्तांकन ही कल्पना खूपच आवडली.