विसर्जन

Submitted by vijaya kelkar on 27 September, 2026 - 01:19

विसर्जन

शक्तीचे प्रतिक | स्वरुप सात्विक |
वाटे कवतिक | विनायका ||

नाहीच कोपिष्ट | घालवी आरिष्ट
मोदक स्वादिष्ट | आवडती ||

गायन ऐकत | प्रेरणा दैवत |
प्राप्त हो धैवत |गणपती ||

भक्ता एक आस |लागलासे ध्यास |
बोले हर श्वास | गणपती ||

दहा दिवसांचा |उत्सव विशेष |
राही स्मृती शेष | हृदयात ||

निरोपाचा क्षण | असे विलक्षण |
मनी दडपण | वियोगाचे ||

आम्ही सारे दीन | पंचतत्वी लीन |
अनंते विलीन | व्हावयाचे ||

मोरया मोरया | भावे उच्चारणी |
नकोत गार्‍हाणी | मनाठायी ||

विजया केळकर _______
नागपूर

विषय: 
काव्यलेखन
Groups audience: 
गुलमोहर - कविता
Group content visibility: 
Use group defaults
शेअर करा