शशक स्पर्धा - मॅगी - अहम् अहम् अस्मि (भयानक, अपन्हुती)

Submitted by मॅगी on 22 September, 2026 - 05:24

डोळे उघडले. कालच्या सक्सेस पार्टीमुळे दोघेही अस्ताव्यस्त झोपलो होतो. सरकून तिच्या गळ्यात हात टाकले. माझ्याकडे पहाताच ती किंचाळली. "कोण आहेस तू? "

मी तुझा नवरा, बिझनेस पार्टनर हे पुनःपुन्हा सांगितले. तरीही "नाही. तू दुसराच कोणी आहेस."

थोड्या वेळाने पोलिस आले. माझे id चेक केले, तिला समजावले. तरीही नाहीच. रात्री तिच्या हातात सुरी दिसली. कसेबसे तिला बेडरूममध्ये ढकलून लॉक केले.

शेवटी तिचे आईवडील आले. तरीही तेच. डॉक्टर म्हणाले, कॅपग्रास सिंड्रोम! ते काय असतं? शेवटी सासरेबुवानीच तिला एका फॅसिलिटीमध्ये ठेवले, निघताना माफी मागितली. मी कशाला? म्हणत शेवटचा नमस्कार केला. तोंडावर पाणी मारलं. आरशात बघत चेहरा चाचपला.
तरीही, हाऊ डिड शी नो??

विषय: 
उपक्रम
शब्दखुणा: 
मायबोली गणेशोत्सव २०२६
Groups audience: 
मायबोली गणेशोत्सव २०२६
Group content visibility: 
Public - accessible to all site users
शेअर करा

जबरदस्त !
कोई तो छिलो. सोला.> कॅपग्रास सिंड्रोम हा एक अत्यंत दुर्मिळ आणि गुंतागुंतीचा मानसिक आजार आहे, ज्यामध्ये व्यक्तीला असा तीव्र भ्रम होतो की त्यांच्या जवळच्या व्यक्तीची (जसे की पती, पत्नी, आई-वडील किंवा मित्र) जागा हुबेहूब दिसणाऱ्या दुसऱ्याच एखाद्या कपटी किंवा बनावट व्यक्तीने घेतली आहे.

पण इकडे वास्तवात असेच आहे ......नवरा वेगळा आहे

Submitted by सामी on 22 September, 2026 - 07:57

जबराट!
जशी आवडते तशी लिहायला यंदा अजिबात जमत न्हवती. तुला मस्तच जमली आहे, शशक हवी तर अशी! Happy
सुरी का दिली? तो भाग नाही समजला.

Submitted by अमितव on 22 September, 2026 - 09:42

Solid...
संपूर्ण मोठ्या कथेच्या प्रतीक्षेत...

Submitted by वेल on 22 September, 2026 - 10:01

धन्यवाद Happy
वेल, हो मोठी कथा लिहिण्याचा प्रयत्न आहे.

Submitted by मॅगी on 23 September, 2026 - 09:53