पाककृती स्पर्धा क्रमांक ३ - चवींचा त्रिवेणी संगम - मॅरीगोल्ड सनराईज - मॅगी

Submitted by मॅगी on 19 September, 2026 - 10:48

सैय्याँ छेड़ देवे, ननद चुटकी लेवे
ससुराल गेंदा फूल
सास गारी देवे, देवर समझा लेवे
ससुराल गेंदा फूल

ह्या गणपती गेट टुगेदर मध्ये आयुष्य असं झालं असेल तर,
हे मॉकटेल बनवा पटकन
सगळ्यांना chill करा झटकन!

त्यासाठी साहित्य:
१. गेंदा फूल म्हणजे आपला झेंडू (edible असलेला) - चार मोठी फुले
२. लिची - साधारण दहा लिचीचा रस
३. परदेसियाss छोटी संत्री - २, एका संत्र्याचा रस, एकाचे स्लाइस
४. गरम पाणी
५. साखर
६. खडे मीठ
७. अर्धी चिमूट चाट मसाला
८. बर्फाचे तुकडे

कृती:
१. तीन फुलांच्या पाकळ्या ब्लेंडरमधून जरा पाणी घालून प्युरी केल्या. मग गॅसवर जरासं पाणी आणि चमचाभर साखर गरम करून त्यात ती प्युरी ओतून ढवळली. अगदी पाक व्हायच्या आधीच गॅस बंद केला.

२. लिची आणि संत्री रस काढून ठेवला. एका संत्र्याचे स्लाइस केले.

३. आता एक मोठा/उंच ग्लास/मेसन जार घेऊन त्याच्या काठाला मध लावला आणि तो उलटा धरून झेंडूच्या पाकळ्या आणि मिठाच्या मिश्रणातून फिरवला. मग सरळ करून त्यात बर्फ भरला. त्यात मधे मधे संत्र्याचे चे स्लाइस टाकले. मग हळूहळू बेस म्हणून झेंडू सिरप ओतले. मग लिची आणि शेवटी संत्र्याचा रस. थोडं स्ट्रॉने ढवळलं. वरून चाट मसाला भुरभुरवला. थोडं कडेला ऑरेंज स्लाइस, शेजारी झेंडू ठेऊन सजवलं आणि tada!!

(हा मोठा केशरी झेंडू edible आहे. किंचित मिरमिरी आणि तिखटसर चव/फ्लेवर असतो.)

IMG_20260919_200010~2.jpg

हे परत सकाळी!

IMG-20260920-WA0001.jpg

विषय: 
उपक्रम
शब्दखुणा: 
'मायबोली गणेशोत्सव २०२६ पाककृती स्पर्धा
Groups audience: 
मायबोली गणेशोत्सव २०२६
Group content visibility: 
Public - accessible to all site users
शेअर करा

काय सुंदर गं मॅगी!!! मी नुकताच विचार करत होते की जास्वंद झाला गुलाब झाला आता झेंडू आणि गोकर्ण येणार!!
फारच मोहक दिसतंय.भारी आयडीया.

Submitted by mi_anu on 19 September, 2026 - 10:59

मस्त दिसतंय!!

झेंडू च्या वापराबाबत मला खात्री नव्हती.

Submitted by शर्मिला. on 19 September, 2026 - 11:05

मस्त दिसतय
झेंडू खातात हे आज तुझ्यामुळे कळलं. करुन बघेन हे

अनु, गोकर्ण रुसलाय माझा नाहीतर मला तो वापरुन करायचं पेयं डोक्यात तयार होतं. बघू फुलतोय का एक दोन दिवसात

Submitted by कविन on 19 September, 2026 - 11:28

गोकर्ण रुसलाय माझा नाहीतर मला तो वापरुन करायचं पेयं डोक्यात तयार होतं. बघू फुलतोय का एक दोन दिवसात

Same pinch. एरवी दिवसाला दिडशे दोनशे फुले देणारा आमचा गोकर्ण पण रुसलाय. सध्या कुठेच नाही मिळत.

Submitted by मनिम्याऊ_मृण्मयी on 19 September, 2026 - 13:11

गोकर्ण नसेल पण प्राजक्त असेल तर त्याची डेखं केशरी रंगासाठी वापरून ही काही करता येईल. ती डेखं पण खाऊ शकतो.

Submitted by मनीमोहोर on 19 September, 2026 - 13:54

सगळ्यांना धन्यवाद.. मला निळा रंग खूप आवडतो म्हणून गोकर्णच होता लिस्टवर, पण ती फुलं मिळाली नाहीत.

झेंडूचं पाकळ्याखालचं खोबरं आम्ही लहानपणी खायचो, पण पाकळ्या खातात हे माहिती नव्हतं. बरंच शोधून नक्की हाच झेंडू edible आहे हे कळलं. घरातलं वादळ बाहेर गेल्यावर घाईघाईत करून फोटो काढले. Lol आणि तिथेच बसून सिप करत श्रम परिहार केला! चव खरंच भन्नाट आली होती. यातच 30ml vodka घालून कॉकटेलसुद्धा छान होईल.

Submitted by मॅगी on 19 September, 2026 - 22:51

सुंदर दिसतंय पेय फार. करून बघणार नक्की. Happy

Btw, monsoon wedding मध्ये डेकोरेटर असलेला विजय राज येताजाता झेंडूची फुलं खात असतो. तोच आठवला एडिबल झेंडूवरून. Happy

Submitted by श्रद्धा on 20 September, 2026 - 12:40

धन्यवाद!
श्र, कसलं भारी character आहे ते पण हे पाकळ्या खाण्याचे विसरूनच गेले होते. तू लिहिल्यावर आठवलं. Happy मला हम तुममध्ये सुरुवातीला मंडप डेकोरेट करणारा माणूस काहीतरी विचारल्यावर गेंदे का फूल उत्तर देतो तेव्हा तोंड वाकडं करून गेंदे का फूल?? विचारणारा सैफ आठवला होता Lol

Mocktail घरी केलं तर एका ग्लास साठी साधारण दोन टेबलस्पून झेंडू सिरप घाल, 100 ml लिची रस आणि 90 ml संत्री रस.

Submitted by मॅगी on 21 September, 2026 - 01:19

रंग अफाट सुंदर आहे..
झेंडूच्या पाकळ्या कधी खाण्याचा विचार नव्हता केला.

Submitted by धनवन्ती on 22 September, 2026 - 01:04

व्वा जबरदस्त दिसतंय. Presentation उच्च!!.
लहानपणी झेंडूच फुलातील खोबरं खाल्लं आहे मागे कोणत्यातरी व्हॉट्सअँप पोस्टमध्ये पाकळ्या खातात ही माहिती मिळाली. मिरमिरीत चव... करून पाहणार.

Submitted by ऋतुराज. on 22 September, 2026 - 22:02

भारीच कल्पना आहे.

झेंडू फुले edible आहेत हे माहित नव्हते >>> +१

४ मोठी फुले म्हणजे स्वाद नक्कीच जाणवत असणार.

Submitted by माधव on 23 September, 2026 - 05:12

धन्यवाद Happy
माधव, एवढी नाही वापरली. तीन फुलांचा रस काढला, तो थोडा आटवला आणि एका जारसाठी दोन चमचे घातला. चव फारशी नाही, पण फ्लेवर मस्त आला.

Submitted by मॅगी on 23 September, 2026 - 09:50

हो बरोबर सामो. पण तसे तर आपण काही जास्वंद किंवा गोकर्ण फुलंसुद्धा डायरेक्ट चावून खात नाही. ह्या सगळ्यांचे वाळलेल्या पाकळ्यांचे टी करण्याचे fad आले आणि आता सगळे करतात. Dried झेंडूच्या पाकळ्या सुद्धा marigold tea म्हणून मिळतात. डायरेक्ट पाकळ्या खाण्याचे फुल गुलाबच आहे.

Submitted by मॅगी on 24 September, 2026 - 23:10