शशक स्पर्धा - adm- पांडूरंग पाटलांचा पचका - हास्य रस, अनुप्रास

Submitted by Adm on 15 September, 2026 - 15:09

पहाटे पहाटे पैलवान पांडूरंग पाटील पिवळाधमक पायघोळ पायजमा घालून पेरूच्या परसबागेत पळापळा पळाले. पण पलीकडच्या पाटातून पाण्याचा प्रचंड प्रवाह पाहून पतंगराव पवारांचा पांढरा पाळलेला पिल्लू पिसाटल्यासारखा पळत आला. पिल्लाला पाहताच पांडूरंग पाटलांचे पाय लटपटू लागले!

पळता पळता पांडूरंग पाटील पाय घसरून पडले आणि पाठीवर पालथे पडून पिकलेल्या पपईच्या पोत्यात जाऊन फसले. पिकलेल्या पपईचा पिवळा पिवळा पल्प पांडूरंग पाटलांच्या पागोट्यावर, पोटावर आणि पायजम्यात पार पसरला. पपईत पचकलेले पाटील पाठीवर पडून पाहतात, तर पुढे पतंगराव पवार पोट धरधरून हसत पाहत होते!

पैलवान पांडूरंग पाटलांचा असा पपईत पचका झालेला पाहून पाटील आणि पवारांची पोरंही पटापट टाळ्या पिटत पळू लागली.

-------

एव्हडा अनुप्रास चालेल का ते सांगा.. आणि हसू आलं का ते ही सांगा... Wink

विषय: 
लेखन
शब्दखुणा: 
मायबोली गणेशोत्सव २०२६
Groups audience: 
मायबोली गणेशोत्सव २०२६
Group content visibility: 
Use group defaults
शेअर करा

छान.
अनुप्रासाचा अतिरेक न करता अनुप्रासाची मजा घेत अनैसर्गिक शब्दप्रयोग/ वाक्यरचना न करता प्रसंगी इतर व्यंजने वापरली आहेस ते ही आवडले.

Submitted by अमितव on 16 September, 2026 - 11:08

अनुप्रासाचा अतिरेक न करता अनुप्रासाची मजा घेत अनैसर्गिक शब्दप्रयोग/ वाक्यरचना न करता प्रसंगी इतर व्यंजने वापरली आहेस ते ही आवडले.>>+१

Submitted by कविन on 17 September, 2026 - 06:38

भारी! Happy

>>> एव्हडा अनुप्रास चालेल का ते सांगा
हो, पुरे पुरे! Proud

Submitted by स्वाती_आंबोळे on 17 September, 2026 - 08:15