शशक स्पर्धा - धनवंती - घाट ( शृंगार / भय रस / उपमा अलंकार )

Submitted by धनवन्ती on 15 September, 2026 - 14:47

" लवकर निघूया म्हणून किती वेळा सांगतेय. आता तू बरोबर मध्यरात्री मला त्याच घाटातून नेणार", तन्वी माझ्याशेजारी बसून तणतणतेय. चिडली की तिचे देशी गुलाबाच्या नाजूक पाकळ्यांचे गुलाबी ओठ थरथरतात आणि मी खुळावतो, पार वेडावतो. तिचा राग काढण्यात तर आपण एकदम माहीर.. जितकी चिडेल तितकीच उत्कट.. धबधब्यासारखी झोकून देते..
" सांडासारखा दणकट नवरा सोबत असताना त्या घाटाला काय घाबरतेस? भूतबीत बाता सगळ्या, एकदम झूठ.." ती अस्वस्थ, चुळबुळत गप्प, मी अजूनच बेदरकार, गाडी एकदम F1...
अचानक गाडीसमोर कोणीतरी की काहीतरी.. ????
क्षणात गाडी हवेत फेकली जातेय, भेलकंडते, आणि कमालीची शांतता, जणू काळ गोठलाय त्याच एका क्षणात..

" लवकर निघूया म्हणून... " ती पुन्हा माझ्याशेजारी बसून तणतणतेय....

विषय: 
गद्यलेखन
Groups audience: 
मायबोली गणेशोत्सव २०२६
Group content visibility: 
Public - accessible to all site users
शेअर करा

अमितव, माझ्या पहिल्या श श क च्या पहिल्या प्रतिसादासाठी खूप धन्यवाद.. तो वाचून खात्री पटली की कथा जमलीय.

आणि अजून खास धन्यवाद, मला 'मी अनु" हिच्या धाग्यावर कथा लिहायला प्रोत्साहित केल्याबद्दल. हा पुश मला गरजेचा होता Happy
तू पुणे गटग ला म्हणाला होतास की मी अजून लिहिले पाहिजे, त्याचा तू असा फॉलो अप पण घेतो आहेस Happy Happy

Submitted by धनवन्ती on 16 September, 2026 - 23:59

सामो, धन्यवाद.
मला वाटले, बायको खुन करते. आजकाल गडावर ढकलण्याचे मीम व रील्स वाढलेत जिकडे तिकडे....

Submitted by झंपी on 17 September, 2026 - 00:14

प्रतिसाद देणाऱ्या सर्वांना खूप धन्यवाद ..

एक ऐकलेला प्रतिसाद इथे देण्याचा मोह आवरत नाहीय..
" खूप scary आहे ग,
.
.
.
.
कारण मेल्यावर पण बायको शेजारी बसून तणतण करणे सोडत नाही"....

Submitted by धनवन्ती on 25 September, 2026 - 02:51

भारी जमलीयं कथा..!

तुम्हाला नेहमी इतर लेखनावर प्रतिसाद देताना पाहिलयं.. आज तुमची कथा वाचली... छान लिहू शकाल तुम्ही कथा..!

Submitted by रूपाली विशे - पाटील on 25 September, 2026 - 04:52

Pages