शेवटचे

Submitted by तुष्कीनागपुरी on 3 September, 2026 - 07:50

शब्द तुझ्यावर जे जे लिहितो
समजून शेवटचे ते लिहितो
.
जिद्द असू दे सावरण्याची
काळ कुठेही फे फे लिहितो
.
आवडतो तो कारण एकच
शब्द खूप हवे से लिहितो
.
मायभूमिला एक पुरेना
जन्म कितीही ते दे लिहितो
.
सुख ताळ्यावर चार पाच तो
दुःख नेहमी शे शे लिहितो
.
पेन नेहमी तपासताना
नाव तुझे मी वेडे लिहितो
.
भेटून ये रे पत्रांमध्ये
मित्र कितीदा ये रे लिहितो
.
दुःख वाटते मदिरा त्याला
तुष्की रिचवुन पेले लिहितो
.
तुष्की नागपुरी
नागपूर, गुरूवार, ३ सप्टेंबर २०२६, १७ः००

विषय: 
काव्यलेखन
Groups audience: 
गुलमोहर - गझल
Group content visibility: 
Use group defaults
शेअर करा

नमस्कार तुष्की नागपुरी जी,

मी मराठी संगीत तयार करतो. मायबोलीवरील तुमची "शेवटचे" ही गझल मला खूप आवडली. मी तिला संगीत दिलं असून, तुमच्या नावाच्या श्रेयासह YouTube वर सादर करण्याची परवानगी तुम्ही द्याल का?
हवं असल्यास मी तुम्हाला गाणं पाठवू शकतो. सध्या ते private आहे.
धन्यवाद.

Submitted by Dnyan K. on 5 October, 2026 - 22:24

@Dnyan K - धन्यवाद! नावाच्या श्रेयासह YouTube वर सादर करू शकता तुम्ही
हो मला लिंक द्या की बघायला

Submitted by तुष्कीनागपुरी on 7 October, 2026 - 08:40

@Dnyan K - तुम्ही सुनो डॉट कॉम प्रणाली वापरून गाणे तयार केले आहे असे वाटते आहे, माझा अनुभव असा की तिथे मराठी शब्दांचे हिंदी उच्चार होतात. तुम्ही त्याला इनपुट बरेच नेमके दिलेले दिसतेय सर्व उच्चार छा न आहेत फक्त शेवटी 'रिचवून' चा उच्चार हिंदी झाला आहे 'च' चहाचा असतो तसा उच्चार झाला आहे. सोबत जोडलेले एआय ने केलेली चित्र पण समर्पक आहेत. तुम्ही तुमचा विडियो जाहिर केला तर मला हरकत नाही. धन्यवाद.

Submitted by तुष्कीनागपुरी on 13 October, 2026 - 10:02

हो हे सुनो AI चा वापर करून तयार केलेले आहे, आणि हो खूप सारे डिटेल्स प्रॉम्प्ट केले होते, आणि खूप वेळा रिमास्टर केले आहे, तरीही तुम्ही सांगितल्या प्रमाणे शेवटचा शब्द तो पाच वाला "च" ऐवजी चार वाला "च" राहिलाच. त्याबद्दल दिलगीर.

आणि परवानगी देण्यासाठी धन्यवाद.

Submitted by Dnyan K. on 13 October, 2026 - 22:00