कोल्होबांची शाळा

एक होता ससा
शाळेत जाऊन हसला
कोल्होबा होते मास्तर
त्यांनी मारला डस्टर

ससोबाने मारली उडी
गुटख्याची पडली पुडी
कोल्होबा फारच रागावले
छडी घेऊन मागे लागले

" गुटखा खातोस
तंबाखू खातोस ?
आईवडलांना घेऊन ये
पेनल्टीचे पैसे घेऊन ये "

शाळेतून नावं काढून टाकीन
परीक्षेत नापास करीन
खालच्या वर्गात बसवून ठेवीन
वर्गाबाहेर उभा करिन "

ससा मग घाबरला
आईवडील मारतील म्हणाला
शिक्षा थोडी कमी करा
पेनल्टी लावू नका

पुन्हा असं करणार नाही
गुटखा तंबाखू आणून देईन
मास्टर मग हळूच हसले
गुटखा खात खुर्चीवर बसले

" पुन्हा गुटखा घेऊन ये
माझ्या तोंडात कोंबून दे
पिंक टाकायला थुकदाणी दे
सगळं नीट समजून घे. "

ससोबाची मान खाली गेली
आई चुपचाप घेऊन गेली

अरुण कोर्डे
©®
9004808486