इदम् न मम

Submitted by अनन्त्_यात्री on 2 July, 2026 - 03:54

"विशेषणे ना वापरता
कविता येईल का लिहिता?"
मी त्याला हे विचारता
"प्रयत्न करतो," तो वदला!

"छंद, वृत्त , लय, गेयता
फाट्यावर मारून कविता
येईल का तुजला लिहिता?"
मी त्याला हे विचारता
"प्रयत्न करतो", तो वदला!

"हद्दपार कवी कायमचा
करून मग कोणा कविता
येईल का सांगा लिहिता?"

मी त्याला हे विचारता
जरा थांबला, घुटमळला
"कवितेतच उत्तर देतो
मीच विचारून हे मजला"..
..AI AIसे पुटपुटला
नवे काव्य आऊटपुटला

विषय: 
मनोरंजन
Groups audience: 
गुलमोहर - कविता
Group content visibility: 
Use group defaults
शेअर करा