चित्रभाषा

Submitted by अनन्त्_यात्री on 16 June, 2026 - 01:27

तुझ्या चित्रभाषेमधले मी
शोधित होतो जरी व्याकरण
त्या शोधाच्या वाटेवरती
मला गवसले काही विलक्षण

नियमबद्ध काहीही नसणे
हाच नियम असणार, वाटले
होते- पण त्या ओळींमधल्या
जागेवर ते पुन्हा भेटले

चकवा देऊन आकलनातून
पुन्हा पुन्हा निसटुनी जे जाते
तेच गूढ चित्राक्षर होऊन
मला पछाडून अथांग उरते

विषय: 
काव्यलेखन
Groups audience: 
गुलमोहर - कविता
Group content visibility: 
Use group defaults
शेअर करा