शब्द तू, संगीत तू.

Submitted by deepak_pawar on 27 March, 2026 - 10:20

शब्द तू, संगीत तू, तूच गाणे
अंतरात निनादती तव तराणे.

बहरलेले झाड तू जे कळ्यांनी
बरसलेले मेघ तू जे सरींनी
सजविले आहे मना तू फुलाने.
अंतरात निनादती तव तराणे.

रात तू जी भारली चांदण्याने
गीत तू जे गायले पाखराने
रंगल्याले तूच ते ना या नभाने.
अंतरात निनादती तव तराणे.

तूच दर्या, तू नदी अन् झरा तू
चांदणे तू चांद तू अन् धरा तू
ल्यायलेले रुप तू या धरेने
अंतरात निनादती तव तराणे.

विषय:

Groups audience:

Group content visibility:

Use group defaults

शेअर करा