Submitted by Meghvalli on 23 February, 2026 - 21:35
प्राजक्तांची आज बरसात झाली,
आकाशात तारकांच्या उमलल्या चंद्रवेली!
वाहणारा वारा टाकतो उसासे,
न भेटताच आज तू का निघून गेली?
पुळणीवरची पाऊले तुझी लाटेने पुसून नेली,
शोधू कुठे सखे तुला, तू कुठे गेली?
व्याकुळ हृदय माझे, व्याकुळ नजरा,
तुझ्याविना माळू प्रिये कोणास हा गजरा?
तीन्हीसांजा झाल्या, सूर्यही मावळतीस आला,
तुझ्या स्वागतास चंद्र आतुर झाला.
तुझ्याचसाठी गातो मी प्रणय गाणे,
हा रुसवा सोड सखे, पुरे ते बहाणे.
सोमवार, २३/२/२६, ८:२० PM
अजय सरदेसाई – मेघ
विषय:
Groups audience:
Group content visibility:
Public - accessible to all site users
शेअर करा
