एक क्षण अभिमानाचा - हर्पेन

Submitted by हर्पेन on 2 September, 2025 - 02:10

अभिमान वाटावा असे छोटे-मोठे अनेक क्षण माझ्या वाट्याला येत गेले / पुढेही येतील पण स्वतःपेक्षा आपल्या आप्तजनांच्या कामगिरीचा अभिमान अंमळ जास्तच वाटतो.

अठरावं पुर्ण झाल्या झाल्या लगेच दुसर्‍या दिवशी माझ्या थोरल्या मुलाने रक्तदान केले आणि मी पण त्याला साथ दिली.

कित्येक बाबतीत तंत्रज्ञान कितीही पुढे गेले असले तरी अजूनही रक्ताचे उत्पादन कृत्रीम रित्या करता येत नाही. "कुणास्तव कोणीतरी" रक्त दिले तरच जीव वाचवता येतो. त्यामुळे रक्तदान करा असे मी नेहेमीच सांगत असतो. अनेक जणांनी त्यांचे पहिले रक्तदान माझ्या प्रोत्साहनामुळे ( पक्षी भुणभुण केल्यामुळे Proud ) माझ्यावरच्या प्रेमाखातर केलेले आहे.

हे ऐकत-बघत मोठा झाला असल्याने असेल पण मला मुलाला अजीबात आग्रह करावा लागला नाही. आधी एकदा मोघम बोलणे झाले होते तितकेच. त्याच्या वाढदिवसाच्या दिवशी आठवण मुलानेच केली. त्याचे पहिले रक्तदान आणि मी नाही असे कसे होईल मग त्याच्यासोबत मीपण रक्तपेढीत गेलो आणि रक्तदान केले. माझ्या मुलाचा आणि आपल्याकडून योग्य ते संस्कार केले गेले असावे असे वाटून स्वतःचा अभिमान वाटावा असा हाच तो क्षण.

Adwait BD.jpg

अपघात, विविध शस्त्रक्रिया, दुर्धर आजार, थॅलेसेमीया, कॅन्सर ई. प्रसंगी भासणारी रक्ताची आणि रक्त घटकांची गरज पुर्ण करण्यासाठी निरोगी माणसांनी रक्त देण्याकरता पुढे येणे म्हणजे एक जबाबदार मानवतावादी भुमिका पार पाडणे होय.

ह्या धाग्याच्या निमित्ताने परत एकदा सगळ्यांना आवाहन करतो की रक्तदान करा जीव वाचवा.

विषय: 
उपक्रम
शब्दखुणा: 
अभिमानाचा_क्षण
Groups audience: 
मायबोली गणेशोत्सव २०२५
Group content visibility: 
Use group defaults
शेअर करा

अरे वाह भारी!
मला वाटले ते मिलिंद सोमन प्रकरण असेल.. ट्रायथलॉन वगैरे.. पण हे सुद्धा अभिमानास्पदच!

Submitted by ऋन्मेऽऽष on 2 September, 2025 - 03:18

मलाही आयर्न मॅन बद्दल असेल असं वाटलेलं
लोकोपयोगी उपक्रमात सहभागी होणं कौतुकास्पद आहे.
काही मायबोलीकर हे खरोखरच महान आहेत.
तुम्ही स्वतः, मार्गी, अवधूत सर आणखी ही बरेच.
सॅल्युट सर्वांना!

Submitted by रानभुली on 2 September, 2025 - 04:13

धन्यवाद वर्षू ताई , ऋन्मेष, आशिका, रानभुली , शर्मिला, मॅगी

आयर्नमॅन तो ही मायबोलीवरचा पहिला हे अभिमानास्पद असलं तरी त्याबद्दल इथे लिहून झाले आहे. लिखाण पुर्वप्रकाशित नसावे ही अट तर आहेच शिवाय परत तेच सांगण्यात काय हशील !

Submitted by हर्पेन on 2 September, 2025 - 04:32

मला वाटलं मेळघाट मुलांच्या बाबतीत असेल... असो किती वेगवेगळी क्षेत्रं आहेत तुमची... आम्हाला तुमचाच अभिमान वाटतो ... घरी मुलांना ही सांगितलं आहे मी तुमच्याबद्दल अभिमानाने...

Submitted by मनीमोहोर on 2 September, 2025 - 04:55

खूप छान. खरं तुमच्याकडे किती सुंदर क्षण आहेत पण त्यातून हा निवडलात, हा मोठेपणा आहे हर्पेने. अजुन क्षण येऊ देत.

Submitted by सामो on 2 September, 2025 - 06:42

अरे काय लिहिलं आहेस! मलाच फार भारी वाटलं. अंगावर रोमांच आणि काटा दोन्ही म्हणत नाहीत त्याला... पण जे काही म्हणत असतील ते आलं. त्यालाच अभिमान म्हणत असणार. Happy
हेच ते संस्कार! Happy
जबराट!

Submitted by अमितव on 2 September, 2025 - 08:32

Harpen, तुमच्यासारख्या अनेक अज्ञात दात्यांमुळे माझ्या आईचे आयुष्य दोन तीन वर्षे वाढले होते. त्यामुळे मला खूप आदर आहे रक्तदातांसाठी.
एक छोटी परतफेड म्हणून मी दोन तीन वेळा प्रयत्न केला होता, पण hb कमी म्हणून त्यांनी परत पाठवले. १२+ लागते.

Submitted by धनवन्ती on 2 September, 2025 - 08:57

खरंच अभिमानास्पद आहे रे
ज्युनियरचे आभार आणि हा विचार येतोय म्हणून अभिनंदन
मी मुलाला दाखवतो हे
त्यालाही आयडिया आवडणार असे वाटतंय
मी करत असतो रक्तदान पण बड्डे month वेळी.
Frequency वाढवली पाहिजे

Submitted by झकासराव on 2 September, 2025 - 10:20

कवे, हेमाताई, धनवंती, सामो, देवकी, अनन्त्_यात्री, ईबा, हर्पा, अतुल, अमित, निर्मल सामी, प्राचीन माबो वाचक, झक्या, सिमरन, छन्दिफन्दि, धनुडी धन्यवाद मंडळी
मनापासून आभारी आहे. लोभ आहेच तो असाच राहू द्या वाढू द्या.

हेमाताई आणि अमित विशेष प्रतिसाद _/\_
धनवंती, हिमोग्लोबीन वाढवून एकदा तरी रक्तदान करेनच असा संकल्प करून पहा.
अतुल झक्या सामी लेकरांनी रक्तदान केले की कळवा.

Submitted by हर्पेन on 3 September, 2025 - 00:59

Pages