शशक - १,२,३ - दुटप्पी - अतुल.

तसा तो जुना माबोकर. आणि ती सुद्धा. ववि असो वा गणेशोत्सव वा अन्य कोणताही उपक्रम असो. तो नेहमीच संयोजकांचे कौतुक करत असे. त्याचा हा स्वभाव तिला खूप आवडायचा. आणि म्हणूनच त्यांच्यात मैत्री झाली होती. आज त्या दोघांनी प्रथमच भेटायचे ठरवले होते. भेटल्यानंतर गप्पा मारता मारता बसल्या बसल्या त्याने मोबाईलवरून मायबोली गणेशोत्सव २०२५ धाग्यावर नेहमीप्रमाणे संयोजकांचे कौतुक करणारा प्रतिसाद लिहिला.

एकीकडे माबोवर संयोजकांचे तोंडभरून कौतुक करून दुसरीकडे मात्र तो तिला म्हणाला.
"हे माबो गणेशोत्सवाचे संयोजक जरा अतीच करतात, नाही?"

ते ऐकले आणि तिने विस्मयचकीत नजरेने त्याच्याकडे बघितले व म्हणाली,
"मला वाटले नव्हते, तू कधी असा वागशील!"
कारण ती स्वतःच संयोजनात होती!