शशक - १ - 'ती' आणी 'तो'- निल्स_23

हिला 'तो' आवडायचा. पण त्याला 'ती' आवडते असे हिला वाटायचे.

पण 'ती'चे म्हणणे होते कि असे काही नाहीये. आम्ही छान मित्र आहोत. पण हिला तो आवडतो हे 'ती'ला माहीत होते.

अशीच काॅलेजची वर्षे गेली. कोणीही एकमेकांकडे भावना व्यक्त केल्या नाहीत. नंतर सगळ्यांचे मार्ग वेगळे झाले. लग्न झाली. कोणाशी काॅन्टॅक्ट राहीले नाहीत. आणि अगदीच योगायोगाने 'हि' आणि त्याची एका कार्यक्रमात भेट झाली.

गप्पांमध्ये हिने लग्नाबद्दल विचारल्यावर त्याने फोटो दाखवला. नक्कीच 'ती'चा फोटो असेल म्हणून जराश्या धाकधूकीनेच हिने फोटो हातात घेतला आणि तिने विस्मयचकीत नजरेने त्याच्याकडे बघितले.

कारण तो फोटो त्यांच्याच क्लासमधल्या टाॅपर मुलाचा होता.