शशक - १ - जाब - माबो वाचक

Submitted by माबो वाचक on 29 August, 2025 - 05:45

कॉलेज संपल्यानंतर पन्नास वर्षांनी पहिल्यांदाच ते दोघे भेटत होते.
“कशी आहेस?”
“मजेत. माझ्या नातवंडांबरोबर आजीपणाचा आनंद लुटत आहे.”
“छान छान. तू रवीशी लग्न केलंस म्हणे.”
“होय, गेल्या वर्षीच अल्झायमर ने गेला तो.”
“अरेरे”
“तू कसा आहेस? बायको मुले कशी आहेत?”
“मी लग्न केले नाही. तुझा नकार रवीने मला कळवला आणि मी उद्ध्वस्त झालो.”
ते शब्द ऐकले आणि तिने विस्मयचकित नजरेने त्याच्याकडे बघितले.
“काय? मी कधीच तुला नकार दिला नाही. उलट तुला तर माझ्यामध्ये काडीचाही रस नाही असे रवी मला म्हणाला.”
आता विस्मय चकित होण्याची त्याची पाळी होती.
काय घडले याची जाणीव दोघांना एकाच क्षणी झाली. पण जाब विचारायला आता खूप उशीर झाला होता.

विषय: 
लेखन
Groups audience: 
मायबोली गणेशोत्सव २०२५
Group content visibility: 
Public - accessible to all site users
शेअर करा

देर आये , दुरुस्त आये.
आटा दोचांनी लग्न करून टाकावे, उरलेले आयुष्य सुखासमाधानाने व्यतीत करावे.

Submitted by केशवकूल on 29 August, 2025 - 05:56

मस्त जमलीय..
पण फार वाईट झाले..

तू मने गमे छे ही माझी एक कथा आठवली..

बाई दवे..
हे उध्वस्त होणारे स्वतः खात्री करत नाहीत का.
कधीही सेफ गेम म्हणून तिला/त्याला एकदा आपल्या डोळ्यात डोळे घालून नाही बोलायला सांगायचे.

Submitted by ऋन्मेऽऽष on 29 August, 2025 - 06:02

वॉव!

Family court मधील एका गोष्टीची आठवण करून. देणारी आहे.

Submitted by मीस्वच्छंदी on 29 August, 2025 - 13:24

मस्त जमलीय.
१०३ शब्द झालेत . शतशब्दकथा म्हणजे मोजून शंभर शब्दच हवे ना..

Submitted by सिमरन. on 29 August, 2025 - 15:55

जमली आहे.
मुझे क्या पता था कभी इश्क़ में
रक़ीबों को कासिद बनाते नहीं
खता हो गई मुझसे कासिद मेरे
तेरे हाथ पैगाम क्यों दे दिया

रकीब - तिचा दुसरा आशिक - प्रेमी. कासिद - निरोप्या.

Submitted by भरत. on 30 August, 2025 - 02:16

मस्त आहे.
भरत. मस्त आहे शेर......+१.

Submitted by देवकी on 30 August, 2025 - 06:04

बहारों ने मेरा चमन लूटकर खिजा को ये इल्जाम क्यों दे दिया

देवर (धर्मेंद्र, शर्मिला, देवेन वर्मा) या चित्रपटासाठी आनंद बक्षींनी लिहिलेलं गीत.

Submitted by भरत. on 30 August, 2025 - 09:59

अवांतर - कासिदच वरचा अजुन एक शेर -

वो कब सुनने लगे क़ासिद मगर यूँ ही सुना देना
मिला कर दूसरों की दास्ताँ में दास्ताँ मेरी
~ अज्ञात

Submitted by सामो on 30 August, 2025 - 12:28

छान.

Submitted by शर्मिला. on 31 August, 2025 - 05:37