चित्रकला उपक्रम - मोठा गट

काय छोट्या दोस्तांनो?
कसे आहात सगळे?
बाप्पा आले म्हणून खुश ना सगळे?

कित्ती मजा असते ना बाप्पा आले की! छान छान खाऊ, गंमत खेळ, आरत्या, सगळी मित्रमंडळी मिळून धम्माल येते अगदी!
तुमच्या आनंदात भर टाकायला घेऊन येत आहोत आपला आवडीचा चित्रे रंगवा उपक्रम.
तुम्हाला मोबाईल किंवा कोणत्याही स्क्रीनची गरज नाहीये रंग भरण्यासाठी, आपले पेटीतले कोणतेही रंग उचला, स्केचपेन, खडू किंवा जलरंग, दिलेल्या विषयायचं चित्र काढा किंवा तयार छापील कोरं चित्र घेऊन सुंदर रंगवा.
इतकी मजा येईल ना!
विषय पण भारी आहेत बरं का यंदा!
१.अवकाश, ग्रह, सूर्यमाला (space)
२.काल्पनिक किंवा आता अस्तित्वात नसलेले प्राणी/जीव/ (fantasy world) (उदा: युनिकॉर्न, डायनासोर इत्यादी)
धाग्याचे शीर्षक खालीलप्रमाणे असावे.
चित्रकला उपक्रम : विषयाचे नाव - तुमचा मायबोली आयडी - छोट्यांचे पूर्ण नाव

नियम-
१) हा छोट्या दोस्तांसाठीचा उपक्रम आहे, स्पर्धा नाही.
२) हा उपक्रम फक्त मायबोलीकरांच्या मुलामुलींकरता आहे.
३) वयोगट - मोठा गट ७ ते १५ वर्षे पर्यंत.
४) चित्र स्वतः काढून रंगवलेले असावे. रंग कोणतेही वापरा.
५) चित्रं गणेश चतुर्थीपासून, २७ ऑगस्ट २०२५(भारतीय प्रमाण वेळ) ते ७ सप्टेंबर २०२५ (अमेरिकेची पश्चिम किनार्‍यावरची प्रमाणवेळ) पाठवता येतील.
६) प्रत्येक प्रवेशिकेला "मायबोली गणेशोत्सव २०२५" अशी शब्दखूण द्यावी.
७)प्रवेशिका पाठवण्याकरता 'मायबोली गणेशोत्सव २०२५' या ग्रूपचे सदस्य असणे आवश्यक आहे. हा ग्रूप सदस्य नोंदणीकरता २७ ऑगस्ट ला खुला करण्यात येईल, याची कृपया नोंद घ्यावी.
८)'मायबोली गणेशोत्सव २०२५' ह्या ग्रूपचे सदस्यत्व घेण्यासाठी या पानाच्या उजवीकडे दिसणाऱ्या 'मायबोली गणेशोत्सव २०२५' या निळ्या शब्दांवर टिचकी मारा. नंतर 'सामील व्हा' या शब्दांवर टिचकी मारा.
९)याच ग्रूपमध्ये उजवीकडे 'नवीन लेखनाचा धागा' या शब्दांवर टिचकी मारा. (गणेशोत्सव २०२५ ग्रूप मधले गप्पांचे पान, नवीन कार्यक्रम हे पर्याय वापरू नये).

छोट्या दोस्त मंडळींनो, पाठवताय ना मग तुम्ही रंगवलेली छान छान चित्र?
!!! गणपती बाप्पा मोरया!!!