वारजे कर्वेनगर नागरिक मंच

कर्वेनगर नागरिक मंच हा वारजे कर्वेनगर भागातल्या काही नागरिकांनी एकत्र येत स्थापन केलेला संघ आहे.
अनुरूप विवाह चे तन्मय कानिटकर, मी स्वतः आणी अजून एक दोन सदस्य हे वारजे कर्वेनगर भागातील नागरी प्रश्नांना वाचा फोडण्यासाठी सतत काम करतो.
वारजे कर्वेनगर प्रभाग भला मोठा आहे. कर्वे रस्त्यावरील आनंद ज्यूस बार, प्रभात रोड 14 नंबर गल्ली पासून सुरू होऊन तो पार गणपती माथा वारजे परेंत पसरला आहे.
यात कर्वे रस्त्याची डहाणूकर काॅलनी ते कर्वे पुतळा ही बाजू वगळली तर बाकी सर्व भाग आहे.

तर आम्ही नागरी मंचातर्फे नक्की काय करतो
1. प्रभागातील अतिक्रमण, रस्त्यावर पडलेला राडारोडा कचरा हलवणे, बेकायदेशीर फ्लेक्स विरोधात तक्रार करणे, सर्व छोट्या मोठ्या नागरी समस्या मनपा आणी वार्ड ऑफीस च्या निदर्शनास आणून देणे
2. दर महिन्यात शेवटच्या गुरूवारी प्रभाग कार्यालयात प्रभाग समिती सदस्य, मनपा चे पदाधिकारी यांची बैठक असते.आम्ही त्या बैठकीला ऊपस्थित राहून प्रभागात काय सुधारणा अपेक्षित आहेत ते सांगतो आणी मागच्या महिन्यातील सूचना आणी झालेली कारवाई याचा आढावा घेतो.
3. मनपाचे जे वार्ड स्तरावर बजेट असते त्यात मोहल्ला कमिटी मेंबर्स नागरी दृष्टीने महत्त्वाची कामे सुचवू शकतात. ते आम्ही केले आहे.
4. कर्वेनगर नागरिक मंचाचा एक what's app group आहे. त्यावर सदस्य काही दुरूस्ती / समस्या ह्या फोटो काढून पाठवू शकतात आपण त्यांना PMC Care app वर जाऊन ऑनलाईन तक्रार करायला सांगतो. नंतर तक्रार ट्रॅक करता येते.
5.प्रभागातील समस्या मांडणे यासाठी महिनाभरात फक्त एक मिटींग फार कमी आहे.. आम्ही नागरीक मंचातर्फे पाठपुरावा करून सहाय्यक आयुक्त हे दर सोमवारी आणी गुरूवारी नियोजित वेळेत नागरिकांच्या सर्व तक्रारी थेट ऐकण्यासाठी ऊपलब्ध असतील या साठी प्रयत्न केला आणी तो यशस्वी झाला आहे.

तर हा लेख लिहिण्यामागे माझा उद्देश मी ज्या भागात राहते तो स्वच्छ सुंदर, अतिक्रमण विरहित असावा, यासाठी केवळ प्रशासन सहभागी न होता लोकांचा सहभाग वाढावा म्हणून लिहीला आहे.
What's app जाॅईन करायचे असेल तर मला 9699645424 वर मेसेज करू शकता.

असेच नागरी मंच सहकार नगर, बावधन,सिंहगड रोड येथे देखील काम करत आहेत.