पहाटेच्या ओल्यावेळी

Submitted by द्वैत on 17 April, 2025 - 02:40

पहाटेच्या ओल्यावेळी
नकळत रुजताना
भरू पाहे दरवळ
पान पान हलताना

वाऱ्यासवे थरथर
उन्हांसंगे चढे लाली
डवरली फांदी फांदी
शीळ घुमे भवताली

कातरते ओलीवेळ
भास वाटे खराखुरा
पाय रुतल्या वाळूत
पडे चांदण्यांचा चुरा

- द्वैत

विषय: 
काव्यलेखन
Groups audience: 
गुलमोहर - कविता
Group content visibility: 
Public - accessible to all site users
शेअर करा