लेखन उपक्रमः- माझे स्थित्यंतर

For a conscious being, to exist is to change, to change is to mature, to mature is to go on creating oneself endlessly.
-Henri Bergson

जगात सगळ्यात काही शाश्वत, कायमस्वरुपी असेल तर तो म्हणजे बदल! आपल्या अवतीभोवती असलेली प्रत्येक गोष्ट कायम बदलत असते, गोष्टच काय तर आपण स्वतःही कायम बदलत असतो. आपली मते, आपले विचार, सवयी, स्वभाव, विचार करण्याची पद्धत ही कायम बदलत असते. कधी कधी हे नकळत होते तर कधी कधी आपण जाणून बुजून, उमजून स्वतःला बदलतो. कधी एखाद्या क्षणी कोणाच्यातरी बोलण्यातून किंवा आपल्याला स्वतःलाच जाणीव होते की आपण किती बदललो.

या मायबोली रौप्य महोत्सवी गणेशोत्सवाच्या निमित्ताने स्वतःच्या अंतरंगात एकदा डोकवून पाहूया. एक उजळणी करूया स्वतःमधे घडलेल्या चांगल्या-वाईट बदलांची. आपल्यात झालेले वैचारीक, शारीरिक, स्वभावातील बदलांची नोंद करू या. या निमित्ताने आज आपल्याला स्वतःला स्वतःमधील जे दोष दिसत आहेत त्यांचे निरीक्षण करुन ते बदलायचाही संकल्प करूया.

हा उपक्रम आहे आपल्यातील बदल टिपून ते शब्दरुपात उतरविण्याचा. तुम्ही हे लिखाण स्वतःच्या बदलांचा व सद्य स्थितीतील गुणदोषांचा घेतलेला आढावा या स्वरुपात किंवा तुम्ही २५ वर्षे पूर्वीच्या/नंतरच्या स्वतःला लिहिलेले पत्र या स्वरुपात सुद्धा लिहू शकता.

हा उपक्रम आहे स्पर्धा नाही.

नियमावली :
१) लेखन कोठेही पूर्वप्रकाशीत नसावे.
२) लेखनासाठी शब्द मर्यादा नाही.
३) धाग्याचे शीर्षक पुढील प्रकारे द्यावे -
"माझे स्थित्यंतर- {तुमचे नाव / मायबोली आयडी}"
४) प्रत्येक धाग्याला "मायबोली गणेशोत्सव २०२४" अशी शब्दखूण द्यावी

तुमच्या काहीही शंका, प्रश्न, सूचना असल्यास येथे जरूर विचारा.

!!! गणपती बाप्पा मोरया !!!