ती दिसावी सांजवेळी

Submitted by द्वैत on 22 July, 2024 - 13:15

ती दिसावी सांजवेळी
मोजताना तारका
वेग यावा स्पंदनांना
जन्म झाल्यासारखा

ना कळावे लोचनांना
हे खरे की भास हा?
गंध ओला दरवळावा
मोगऱ्याचा त्या पुन्हा

प्रीतवेडी अंतरीची
मेघ वाहे साजिरा
जाऊ पाहे त्यापुढे हा
एक पक्षी पांढरा

वेळ जाणे कोणतीही
कोणताहा सोहळा
हाक येई त्या दिशेने
देह माझा चालला

विषय: 
काव्यलेखन
Groups audience: 
गुलमोहर - कविता
Group content visibility: 
Public - accessible to all site users
शेअर करा