बरेच केले मला समृद्ध सुखांनी

Submitted by vilasrao on 3 July, 2024 - 22:36

मनात अंधार कोंडला मी विझल्यासारखे काही
उजेड मग आत येत गेला दिसल्यासारखे काही

बळेच मग दाखवीत सोबत असल्यासारखे काही
असून असतात सोबतीला नसल्यासारखे काही

वळून ती काल छान पाहत होती सारखे मागे
असेल उरले बरेच ओळख असल्यासारखे काही

कथा कुणाची व्यथा कुणाची मी ऐकली एवढी सारी
अशाकशाने मनात झाले भिजल्यासारखे काही

बरेच केले मला समृद्ध सुखांनी अन दुःखानी ही
मेलो जर आज , वाटते पण जगल्यासारखे काही

विलास खाडे

विषय: 
काव्यलेखन
Groups audience: 
गुलमोहर - गझल
Group content visibility: 
Use group defaults
शेअर करा