तटबंदी

Submitted by अनन्त्_यात्री on 9 June, 2024 - 06:38

जळी स्थळी काष्ठी पाषाणी
ओतप्रोत जे असे
सांग ते का न तुला दिसतसे?

त्रिमितीच्या पिंजर्‍या वेढुनी
अमित असे जे वसे
सांग ते का न तुला दिसतसे?

धन-ऋण एकाकार होती त्या-
-स्थळी शून्य जे वसे
सांग त्या अभाव मानू कसे?

जड-चेतन सीमेवर धूसर
तटबंदी जी असे
सांग ती का न मला दिसतसे?

विषय: 
काव्यलेखन
Groups audience: 
गुलमोहर - कविता
Group content visibility: 
Use group defaults
शेअर करा

छान....

Submitted by दत्तात्रय साळुंके on 10 June, 2024 - 06:07