तुझ्या माझ्या संसाराला आणि काय हवं गं

शीर्षक :- तुझ्या माझ्या संसाराला आणि काय हवं गं

तुझ्या हसण्याला,तुझ्या बोलण्याला
कसं वेगळंच रूप आलंय गं
तुझ्या माझ्या संसाराला आणि काय हवं गं ||धृ||

भाताच्या बीजाला मातीत रुजवलं
उपटूनी रोप ते मातीत उगवलं
माप ओलांडून सोन्याचं झालंय गं
तुझ्या माझ्या संसाराला आणि काय हवं गं ||१||

भाकरीचा सोबतीला चटणीची जोड गं
कष्टाच्या घामात लागतीया गोड गं
कष्टाला सुखाचा वलय आलंय गं
तुझ्या माझ्या संसाराला आणि काय हवं गं ||२||

खेळतीया अंगणी तुझे माझे द्वाड गं
आकाशाच्या पार गं पुरविले लाड गं
तुझा घरादाराला लळा लागलायं गं
तुझ्या माझ्या संसाराला आणि काय हवं गं ||३||

जळतीया वातही अंधाराच्या रातीला
तशी तुझी साथही संसाराच्या वाटेला
झोपडीला माझ्या या उजेड दिलंय गं
तुझ्या माझ्या संसाराला आणि काय हवं गं ||४||

नभाच्या चांदणीला चंद्राची साथ गं
लग्नाच्या मंडपात घे हातात हात गं
सप्तपदी फेऱ्यात वचन दिलंय ग
तुझ्या माझ्या संसाराला आणि काय हवं गं ||५||

विनोद नंदू इखणकर
नाशिक (शब्दप्रेम)
७३५०९७०२०१