जेवण झालंच आहे तुझं

Submitted by निळू.भाऊ on 27 May, 2024 - 04:52

जेवण झालंच आहे तुझं
तर खाणार का बडीशेप?
की लावुन देउ पान तुला
मगई जोडी?

जेवण झालंच आहे तुझं
तर करणार का वामकुक्षी?
की लावुन देऊ ओटीटीवर
मालिका आवडीची?

जेवण झालंच आहे तुझं
तर खाणार का आईसक्रीम?
की काढुन देऊ फ्रिज मधुन
मावा रबडी?

पण मनातली गोष्ट सांगु?
मला तेव्हाच होईल आनंद
देशील जेव्हा अsssब्बा करत
तू ढेकर तृप्तीची!

विषय: 
मनोरंजन
शब्दखुणा: 
चंमतग
Groups audience: 
गुलमोहर - कविता
Group content visibility: 
Public - accessible to all site users
शेअर करा