लेखन उपक्रम २ - खाट - बिपीन सांगळे

खाट
-----

बाकीचे अजून आले नव्हते. गाडी यायला तसा वेळच होता. तेवढ्यात त्याचं लक्ष तिच्याकडं गेलं...
ती एक जुनी, फोल्डिंगची लोखंडी खाट होती . हिरवा रंग उडालेली . मोठ्या साईझची.
त्याने घरातलं आवरायला काढलं होतं . त्यात जुन्या जुन्या अनेक वस्तू . .
भंगारवाल्याची गाडी आली . माणसांनी सामानाला हात घातला . तसं त्याला काही वाटलं .
तो म्हणाला ,' ही खाट काढा बाजूला . ठेवा पुन्ना घरात . '
त्याची बायको चमकली , ' का वो ? पुन्ना कशाला ? '
'राहू द्ये गं ! माज्या मायबापाची आठवण हाय .'
' अस्सं ? राहू द्या तं राहू द्या . तुमचा जन्म त्या खाटेमुळे झाला आसन ... बघू- तिच्यामुळं तरी आपल्या घरी पाळणा हालतूया का ?