अंधारल्या दिशा

अंधारल्या दिशा अन अंधार सावल्यांचा 
कल्लोळ अंतरीचा , कल्लोळ भावनांचा ..
 
वाटा किती तुडवल्या , आयुष्य शोधताना ,
संधी बऱ्याच हुकल्या , स्वप्नात राहताना ..
 
आले किती एक क्षण हे , दुःखास घेऊनिया ,
क्षणैक सुखांनी , गोंजारले मनाला ...
 
 
ग्रीष्मातल्या चटक्यांची , वाटे आता  न भीती ,
घनघोर जलधारांची  ,जडलीच  असे प्रीती 
 
स्वीकारले आता हे , या सर्वांसवेच जगणे ,
मौनामध्येच हासणे , मौनामध्येच जगणे ..