सारी खरी कहाणी

Submitted by द्वैत on 16 July, 2023 - 12:34

सारी खरी कहाणी सांगू नको कुणाला
अंधारल्या दिशा की परतून ये घराला

प्रत्येक मेघ नसतो आषाढ श्रावणाचा
अपुल्याच आसवांनी भिजवून घे स्वतःला

पानांस गंध येतो कोमेजल्या फुलाचा
कुठली व्यथा कळेना ठाऊक पुस्तकाला

सोडून झाड मागे कोठे उडून जावे
अद्याप ना उमगले कुठल्याच पाखराला

हेही असे निघाले तेही तसे निघाले
आता नवीन नाते लावू नको पणाला

वस्तीत सज्जनांच्या हिंडून पाहिले मी
गर्दी प्रचंड होती माणूस ना मिळाला

Group content visibility: 
Public - accessible to all site users

अतिशय सुंदर !
प्रत्येक ओळ आवडली.

अतिशय सुंदर !
प्रत्येक ओळ आवडली.

सुंदर!