विस्कळीत पलटे

वाटेला नाही गेलात तरी चालेल. आवडण्याची शक्यता कमी आहे.
शंकांना उत्तरं देणं मला अवघड होईल आणि प्रतिकूल अभिप्राय वाचणं मला अवघड जाईल.

माझ्या प्रिय मायबोलीकरांनो - मनापासून धन्यवाद. कौतुकरावांनी ज्या आस्थेने विचारपूस केली त्यासाठी सुद्धा.
मला आधी भीती होती की विषय बाजूला ठेवून नुसतीच मारझोड होते की काय. पण ती भीती फोल ठरल्यामुळे बरं वाटलं. या प्रांजळ प्रतिसादांनी जरा धीर आला आणि कवितेचा अर्थ नाही तरी पार्श्वभूमी सांगावी असं वाटलं. (मर्ढेकरांना स्मरून म्हणायचं तर तळटीपांचे पैंजण घालून कवितेला सजवण्यात अर्थ नाही तरीही)
ही पार्श्वभूमी बरीच मोठी होण्याची शक्यता आहे कारण त्यात माझी कवितेविषयीची भूमिका, कवितेकडून सामान्यतः प्रचलित अपेक्षा आणि ही किंवा अशा प्रकारची कविता अनुभवण्याची एक पद्धत अशा (आणि आनुषंगिक) गोष्टी असतील.
जाता जाता एकच सांगतो - रागाधारित पलटे हे रागाचं चलन मध्यवर्ती ठेवून केलेल्या स्वररचना असतात (माझ्या समजुतीप्रमाणे - चू. भू. द्या. घ्या.) तेच प्रमुख सूर "स्थानं" बदलत राहातात - अर्थात रागाच्या नियमांनुसार. हेच नियम जर धाब्यावर बसवले गेले तर सारी व्यवस्था नको तशी विस्कळीत होईल. त्याच सुरांचा आत कुठला जीवघेणा नवीन खेळ सुरू व्हायचा.

न्यूयॉर्कच्या चकचकीत पंचतारांकित हॉटेलच्या बेलहॉपच्या परीटघडीच्या आतून ढेकणाने वाकुल्या दाखवल्या तर तुम्ही चपापाल?

पुन्हा पुन्हा डोळे चोळून बंद डोळ्यासमोर येत असलेल्या चित्र विचित्र असंबद्ध आकृत्यांमध्ये काही समान धागा जाणवला तर तुम्ही चपापाल?

असो ... लहान तोंडी बरीच मुक्ताफळं उधळली.

पुन्हा एकदा मनापासून धन्यवाद.