श्री हरि

हरी विण वोखटे सर्व काही

हरी विण वाटे संसाराचे ओझे

हरी माझा सांगाती , हरी माझा सोबती

हरी माझे दैवत , हरी माझे सर्वस्व

हरी मायबाप , हरी प्राणआधार

हरी आप्तबंधू , हरी सखाप्रिय

हरी विण कोण हरील भवताप ?

हरी विण कोण दूर करील संकट ?

हरी चित्ती , हरी ध्यानी

हरी स्वप्नी , हरी अंतरी

हरी सुंदर साजिरा , हरी विठ्ठल कानडा

हरी नाम तारणहार , हरी नाम पावन फार

हरी हरी नामाचा लागला छंदु

हरी चरणांना नित्यकाळ वंदु

हरी कृपे नाश होई पापांचा

हरी कृपे उध्दार होई जनांचा

हरी वसे चराचर , हरी नसे भेदाभेद

हरी त्रैलोक्याचा स्वामी , हरी त्रिगुणरहित

हरी सगुण साकार , हरी निर्गुण निराकार

हरी द्वारकेचा राणा , हरी लक्ष्मीचा पती

हरी रामकृष्ण गोविंद , हरी विठ्ठल परब्रह्म

हरी गुण वर्णिती वेद शास्त्रे पुराणे

हरी किर्ती गाती हरी भक्त आनंदे

हरी भक्तवत्सल , हरी करूणाकर

हरी आनंदसागर , हरी अनाथरक्षक

हरी भवभयहारक , हरी पतितपावन

हरी सर्वगुणसंपन्न , हरी पूर्ण परीपूर्ण

हरी नारायण , हरी नारायण

हरी नारायण , हरी नारायण

हरी रूपे अनंत , हरी कथा अनंत

हरी लीला अगम्य , हरी पाठ पवित्र

हरी हरी हरी नाम शिवाचा मंत्र

हरी हरी हरी नाम अमृत गोड

।। जय श्री हरि ।।