Submitted by द्वैत on 25 October, 2022 - 12:17
आकाश शोधती पक्षी
पंखांचे वाहत ओझे
घरट्यात मुकी अंगाई
रानांत बासरी वाजे
मातीत मिसळती रंग
झाडांची हिरवी पाने
थांबेल ऋतूंचे केव्हा
अव्याहत येणे जाणे?
वाऱ्याच्या मागे मागे
काठावर आले कोणी
प्रतिबिंब गवसण्याआधी
का क्षितीज ओढते पाणी?
जा पार क्षितिज रेषेच्या
परतीची मोडून वाट
डोळ्यांतून काळोखाच्या
बघ झरते शुभ्र पहाट ......
विषय:
Groups audience:
Group content visibility:
Public - accessible to all site users
शेअर करा
सुरेख!!!
सुरेख!!!
प्रतिबिंब गवसण्याआधी
का क्षितीज ओढते पाणी?
जा पार क्षितिज रेषेच्या
परतीची मोडून वाट
>>>>>हे फार रम्य, गूढ व मुग्ध करणारे आहे.
खूप छान.
खूप छान.
छान !!
छान !!
प्रतिसादांसाठी धन्यवाद
प्रतिसादांसाठी धन्यवाद