Name: पाककृती स्पर्धा-२ - अख्खा मसूर कटलेट/कबाब/पॅटिस - स्मिता श्रीपाद
Prep time: ८ तास
Cook time: १५ मिनिटे
Yield: ८-१० कबाब्/कटलेट तयार होतील.

Submitted by स्मिता श्रीपाद on 12 September, 2022 - 01:16

प्रत्यक्षात लागणारा वेळ:

१५ मिनिटे

लागणारे जिन्नस:

1 वाटी अख्ख्या मसूर रात्री भिजवून सकाळी पाणी उपसून निथळून ठेवणे
1 कांदा बारीक चिरून
2 हिरव्या मिरच्या
1/2 इंच आले
6-7 लसूण पाकळ्या
1/2 टी स्पून गरम मसाला
1 टी स्पून चाट मसाला
1 टेबलस्पून डाळीचे पीठ
मीठ
( भरपुर कोथिंबीर पण यात छान लागते पण माझ्याकडे नव्हती म्हणुन मी नाही घातली )

क्रमवार पाककृती:

१. मसूर, आले लसूण मिरची, मीठ मसाले (कांदा सोडून) सर्व अजिबात पाणी न घालता मिक्सरवर वाटून घेणे.मसूर व्यवस्थित निथळलेले हवेत.
२. या वाटणात बारीक चिरलेला कांदा, गरजेपुरते डाळीचे पीठ घालणे. मसुरामधून पाणी पूर्ण निथळले गेले असेल तर डाळीचे पीठ अतिशय कमी किंवा नाही घातले तरी चालते.

३. या सारणाचे छोटे छोटे कबाब करून तव्यावर शॅलो फ्राय करून घेणे.

४. चिंचेची चटणी किंवा सॉस सोबत गरमागरम खाऊन घेणे.

वाढणी/प्रमाण:

८-१० कबाब्/कटलेट तयार होतील.

अधिक टिपा:

प्रोटीनयुक्त आणि अजिबात कार्ब्स नसलेला असा हा पदार्थ मस्त लागतो.जरा झणझणीतच चांगला लागतो.
बारीक चिरलेला कांद्यामुळे नीट आतपर्यंत व्यवस्थित शिजला जातो.

ता.क. - स्पर्धेची वेळ आता संपली असेल तर पाककॄती बाद केली तरी चालेल.
शेवटच्या क्षणी धावत पळत का होईना सहभाग घ्यायचा हा प्रयत्न