कथाशंभरी - जिद्द - निकु

बऱ्याच दिवसांनी दोघींना मोकळावेळ मिळाला होता. नाही म्हटले तरी काही वर्षे लोटली होती. पुलाखालून बरेच पाणी वाहून गेले होते. अचानक एकीचे तिकडे लक्ष गेले. अरे हे काय ..

"इथे सायकल ट्रॅक झालाय की. पुर्वी असेच रस्त्यातून जिथे मिळेल तिथे आपण सायकल चालवत असू नाही." पहिली म्हणाली.
"हो ना.. आणि किती खेळ खेळत असू या बागेत. तु तर शाळेतपण खेळात अव्वल होतीस आणि तो अपघात. " दुसरीने खिन्नपणे मान हलवली.

ए ती बघ पॅरालिम्पिक चॅम्पियन ! चल आपण सेल्फी घेऊया ! बागेत आलेला मुलांचा घोळका पहिलीच्या भोवती जमला.